У другой палове дня 1 красавіка Святы Айцец Францішак наведаў некропаль, які знаходзіцца пад ватыканскай базылікай. Там Пантыфік памаліўся ля магілы апостала Пятра.

1 красавіка ў другой палове дня папа Францішак у прыватным парадку наведае некропаль, які знаходзіцца пад ватыканскай базылікай. Як паведамляе Прэс-служба Апостальскай Сталіцы, Пантыфік памоліцца ля магілы св. Пятра.

Каля 250 тысяч чалавек, па дадзеных Ватыканскай жандармерыі, прынялі ўдзел у велікоднай святой Імшы раніцай 31 сакавіка, якую ўзначаліў на плошчы Святога Пятра папа Францішак.

31 сакавіка, у нядзелю Уваскрасення Пана, на профілі папы Францішка ў «Твітэры» з’явіўся новы запіс. «Прымі Уваскрослага Езуса ў сваё жыццё. Калі ты быў далёка, зрабі маленькі крок да Яго: Ён чакае цябе з раскрытымі абдымкамі», — так гучаць словы Святога Айца.

Увечары 30 сакавіка, падчас літургіі Пасхальнай вігіліі ў ватыканскай базыліцы св. Пятра, Святы Айцец Францішак удзяліў сакрамэнты хросту і канфірмацыі чатыром маладым людзям ва ўзросце ад 17 да 30 гадоў. Кандыдатамі да прыняцця сакрамэнтаў былі расіянін, албанец, італьянец і амерыканец в’етнамскага паходжання.

Прыняць Уваскрослага Езуса «як сябра, з даверам, бо Ён ёсць жыццём», заахвоціў папа Францішак падчас літургіі Пасхальнай вігіліі ў базыліцы св. Пятра ў Ватыкане. «Не будзем закрывацца на навіну, якую Бог прагне ўнесці ў наша жыццё!» — заклікаў вернікаў Святы Айцец.

30 сакавіка, у Вялікую суботу, у 20.30 па італьянскім часе Святы Айцец Францішак узначаліць літургію Пасхальнай вігіліі ў ватыканскай базыліцы св. Пятра.

Крыжовы шлях з удзелам Святога Айца Францішка адбыўся 29 сакавіка, у Вялікую пятніцу, у рымскім Калізеі. Разважанні да набажэнства падрыхтавала ліванская моладзь пад кіраўніцтвам мараніцкага Патрыярха Антыёхіі Бехары Раі.

«Гэтай ноччу павінна застацца адно слова, якім ёсць сам крыж. Крыж Езуса — гэта слова, якім Бог адказаў на зло свету», — сказаў папа Францішак падчас набажэнства Крыжовага шляху ў рымскім Калізеі ў Вялікую пятніцу, 29 сакавіка.

Папа Францішак папрасіў пробашчаў рымскіх парафій, каб іх касцёлы былі заўсёды адчынены і каб у канфесіянале знаходзіўся святар. «Мы павінны даць людзям шанс сустрэчы з Езусам і Касцёлам», — сказаў Святы Айцец.

29 сакавіка, у Вялікую пятніцу, папа Францішак узначаліў у базыліцы св. Пятра ў Ватыкане набажэнства Мукі Пана. «Вялікая пятніца, якую перажываем у Год веры з новым Наступнікам Пятра, можа стаць пачаткам новага жыцця», — адзначыў у гаміліі прапаведнік Папскага дома айцец Раньера Канталамеса.

За некалькі дзён да свайго ад’езду на канклаў кардынал Хорхе Марыа Берголіа, сённяшні папа Францішак, прамовіў для тэлебачання ў Буэнас-Айрэсе (Аргенціна) кароткае пасланне на Вялікдзень. Працягласць гэтага незвычайнага паслання — усяго 30 секунд.

«Папа падзякаваў усім, асабліва моладзі, за ўдзел у Імшы, і заахвоціў іх не даць скрасці ў сябе надзею», — распавёў кіраўнік Прэс-службы Апостальскай Сталіцы кс. Фэдэрыка Ламбардзі пра візіт Святога Айца ў рымскую калонію для непаўналетніх, дзе ў Вялікі чацвер Пантыфік цэлебраваў Імшу Вячэры Пана. У літургіі ўдзельнічала каля 150 чалавек.

28 сакавіка, пасля Імшы Хрызмы, якая праходзіла ў ватыканскай базыліцы, адбылася тэлефонная размова папы Францішка з яго папярэднікам Бэнэдыктам XVI.

29 сакавіка, у Вялікую пятніцу, Святы Айцец Францішак узначаліць набажэнства Крыжовага шляху ў рымскім Калізеі. Разважанні да набажэнства падрыхтаваны групай ліванскай моладзі і мараніцкім Патрыярхам Антыёхіі Бехарам Раі.

Пасля Імшы Вячэры Пана, якая прайшла ў Вялікі чацвер у рымскай калоніі для непаўналетніх «Casal del Marmo», папа Францішак сустрэўся з моладдзю і персаналам калоніі. Падзякаваўшы ўсім, Пантыфік адзначыў: «Я шчаслівы, што знаходжуся сярод вас».

«Гэта ўчыніў Езус, Бог, сказаўшы: даю вам прыклад, каб і вы так рабілі», — адзначыў папа Францішак падчас Імшы Вячэры Пана, якую ўзначаліў у Вялікі чацвер у рымскай калоніі для непаўналетніх «Casal del Marmo». Папа абмыў ногі 12 зняволеным розных нацыянальнасцяў і рэлігій, у тым ліку дзвюм дзяўчатам, і растлумачыў у кароткай гаміліі сэнс гэтага жэсту.

Упершыню ў гісторыі Рымскі Пантыфік цэлебраваў Імшу Вячэры Пана ў Вялікі чацвер у карнай установе. 28 сакавіка папа Францішак узначаліў гэтую літургію ў рымскай калоніі для непаўналетніх «Casal del Marmo». Падчас Імшы па прыкладзе Езуса Папа абмыў ногі 12 зняволеным розных нацыянальнасцяў і рэлігій, у тым ліку дзвюм дзяўчатам.

28 сакавіка, пасля Імшы Хрызмы, папа Францішак скіраваў да вернікаў новы зварот на сваім профілі ў «Твітэры». «Падтрымлівайце вашых святароў з любоўю і малітвамі, каб яны маглі заўсёды быць пастырамі паводле Хрыстовага сэрца», — так гучыць запіс Пантыфіка.

Падчас сустрэчы з прэфектам Кангрэгацыі па справах Кананізацыі кардыналам Анджэла Амата папа Францішак зацвердзіў 15 дэкрэтаў аб беатыфікацыі і прызнанні Слугамі Божымі 70 чалавек — галоўным чынам ахвяраў грамадзянскай вайны ў Іспаніі, камуністычных рэжымаў ва Усходняй Еўропе і нацысцкага рэжыму ў Германіі.