Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Цэтлік [Папа Францішак]


Святы Айцец пра місіянерства хрысціян
2013-05-05 14:06:38

Пра місіянерства, да якога пакліканы кожны вернік, напісаў Святы Айцец Францішак у «Твітэры» 5 мая. «Кожны хрысціянін з’яўляецца місіянерам у такой ступені, у якой ён або яна сведчыць пра Божую любоў. Будзьце місіянерамі Божай пяшчоты!» — так гучыць новы запіс у папскім профілі.

 
Папа да каталіцкіх брацтваў: будзьце місіянерамі міласэрнасці Бога
2013-05-05 10:42:13

Евангелізацыйнасць, эклезіяльнасць і місіянерства — на гэтыя тры аспекты звярнуў увагу папа Францішак 5 мая падчас святой Імшы з удзелам членаў каталіцкіх брацтваў, якія прыбылі ў Вечны Горад з розных краін свету. Святы Айцец падкрэсліў, што брацтвы з’яўляюцца «традыцыйнай рэальнасцю Касцёла, якая на працягу апошніх гадоў атрымала абнаўленне і была па-новаму адкрыта».

 
Папа Францішак: як добрая маці, Марыя побач з намі
2013-05-04 22:13:40

4 мая папа Францішак узначаліў малітву Ружанца ў рымскай базыліцы Санта Марыя Маджорэ. Пантыфік адзначыў у гаміліі, што перад абразом Маці Божай апякункі Рыма (Salus Populi Romani) вернікі моляцца за ўвесь свет, каб Марыя вяла іх да збаўлення.

 
Святы Айцец: прасіць Панну Марыю, каб вучыла нас жыць верай
2013-05-04 11:04:31

Вучыцца жыць верай кожны дзень заахвоціў Святы Айцец Францішак. «Будзем прасіць Панну Марыю, каб вучыла нас жыць нашай верай у дзейнасці кожнага дня і даць больш прасторы для Бога», — так гучыць новы запіс Пантыфіка ў «Твітэры», які з’явіўся 4 мая.

 
Папа заахвоціў італьянскіх біскупаў клапаціцца пра моладзь, сем’і і беспрацоўных
2013-05-04 10:56:19

3 мая папа Францішак сустрэўся з біскупамі італьянскага рэгіёну Марке, якія знаходзяцца ў Рыме з візітам «Ad Limina Apostolorum». Як паведаміў арцыбіскуп Анконы-Азіма Эдоардо Мэнікэлі, Пантыфік падчас аўдыенцыі ўказаў ім накірункі душпастырскай дзейнасці, заахвоціўшы праяўляць большы клопат да моладзі, сям’і і беспрацоўных.

 
Папа і Прэзідэнт Лівана абмеркавалі сітуацыю ў рэгіёне і сірыйскі канфлікт
2013-05-03 12:09:20

3 мая папа Францішак прыняў на аўдыенцыі Прэзідэнта Лівана Мішэля Сулеймана. Палітык сустрэўся таксама з Дзяржсакратаром кардыналам Тарчызіо Бэртонэ, у суправаджэнні сакратара па адносінах з дзяржавамі арцыбіскупа Дамініка Мамбэрці. Асаблівая ўвага была звернута на сітуацыю ў рэгіёне, у прыватнасці на канфлікт у Сірыі.

 
Папа Францішак заахвочвае да супольнай малітвы Ружанца ў сем'ях
2013-05-03 11:04:53

Важнасць малітвы ў сям’і падкрэсліў Святы Айцец Францішак. «Было б цудоўна на працягу мая разам маліцца Ружанец у сем’ях. Малітва робіць мацнейшым сямейнае жыццё», — так гучыць запіс Пантыфіка ў «Твітэры», які з’явіўся 3 мая.

 
Папа падпісаў дэкрэты аб прызнанні цудаў і гераічнасці цнотаў
2013-05-03 10:55:02

Папа Францішак зацвердзіў некалькі дэкрэтаў аб прызнанні цудаў і гераічнасці цнотаў. 2 мая Святы Айцец прыняў на аўдыенцыі кардынала Анджэла Амата, прэфекта Кангрэгацыі па справах Кананізацыі.

 
Папа Францішак сустрэўся з Бэнэдыктам XVI пасля яго вяртання ў Ватыкан
2013-05-02 17:11:08

2 мая, пасля двух месяцаў прабывання ў летняй рэзідэнцыі Рымскіх Пантыфікаў у Кастэль Гандольфа, Бэнэдыкт XVI вярнуўся ў Ватыкан. Папа Францішак наведаў свайго папярэдніка адразу пасля яго прыбыцця ў кляштар «Mater Ecclesiae».

 
Папа ўзгадаў аб пакутуючых з-за адсутнасці працы
2013-05-02 11:10:42

Новы запіс у «Твітэры» 2 мая папа Францішак прысвяціў тым, хто пакутуе з прычыны адсутнасці працы. «Скіроўваю свае думкі да ўсіх, хто з’яўляецца беспрацоўнымі, часта ў выніку эгаістычнай ментальнасці, якая шукае прыбытку любым коштам», — так гучаць словы Святога Айца.

 
Пантыфіку прадстаўлены нумар дадатку «L’Osservatore Romano» для жанчын
2013-05-02 10:57:36

Пасля літургіі ў капліцы Дома св. Марты 2 мая галоўны рэдактар «L’Osservatore Romano» Джаванні Марыя Віян прадставіў Святому Айцу Францішку апошні нумар спецыяльнага дадатку гэтага ватыканскага выдання для жанчын «Donne, Chiesa, Mondo» («Жанчыны, Касцёл, свет»).

 
Святы Айцец прыняў даверчыя граматы пасла Расійскай Федэрацыі
2013-05-02 09:45:17

2 мая Святы Айцец Францішак прыняў даверчыя граматы новага пасла Расійскай Фeдэрацыі ў Апостальскай Сталіцы Аляксандра Аўдзеева. Дыпламат быў прызначаны на гэтую пасаду Прэзідэнтам краіны Уладзімірам Пуціным 11 студзеня 2013 г.

 
Папа да моладзі: вучыцеся ў святога Юзафа
2013-05-01 10:13:44

Святы Айцец Францішак звярнуўся ў «Твітэры» да моладзі. «Дарагая моладзь, вучыцеся ў святога Юзафа. Ён прайшоў праз цяжкія часы, але ён заўсёды верыў, і ён ведаў, як пераадолець няшчасці», — так гучыць запіс у папскім профілі, што з’явіўся 1 мая.

 
Малітоўныя інтэнцыі Святога Айца на май
2013-05-01 07:41:48

Святы Айцец заклікае маліцца за суддзяў і ўсіх, хто задзейнічаны ў рэалізацыі справядлівасці. Давяраючы малітвам вернікаў агульную інтэнцыю на май 2013 г., Пантыфік запрасіў маліцца аб тым, «каб тыя, хто кіруе справядлівасцю, дзейнічалі паводле цэласнасці і чыстага сумлення».

 
Папа і Прэзідэнт Ізраіля абмеркавалі сітуацыю на Блізкім Усходзе
2013-04-30 13:08:55

Папа Францішак абмеркаваў з Прэзідэнтам Ізраіля Шымонам Пэрэсам складаную палітычную і сацыяльную сітуацыю на Блізкім Усходзе. 30 красавіка Пантыфік прыняў ізраільскага палітыка на аўдыенцыі ў Ватыкане.

 
Святы Айцец у «Твітэры»: будзем верыць у дзейнасць Бога
2013-04-30 11:33:18

30 красавіка Святы Айцец звярнуўся да вернікаў з новым запісам у «Твітэры». «Будзем верыць у дзейнасць Бога! З Ім мы можам рабіць вялікія рэчы. Ён дасць нам радасць быцця Яго вучнямі», — так гучаць словы папы Францішка.

 
Да профілю Папы ў «Твітэры» далучыліся больш за 6 мільёнаў чалавек
2013-04-29 20:57:25

Да профілю Папы ў «Твітэры» далучыліся больш за 6 мільёнаў карыстальнікаў. На працягу 48 дзён з пачатку Пантыфікату Святога Айца Францішка колькасць «сяброў» Папы ў гэтай сацыяльнай сетцы павялічылася на 2 мільёны 700 чалавек.

 
«L’Osservatore Romano» пра папу Францішка і вобраз Добрага Пастыра
2013-04-29 12:07:57

«Пробашч свету» — так назваў папу Францішка італьянскі пісьменнік Джуліяні Віджыні. На старонках сваёй кнігі, прысвечанай новаабранаму Пантыфіку, ён падкрэслівае, што Касцёл часта лічыцца «чалавечай установай», аднак, калі не браць пад увагу тое, што ён заснаваны на Хрысце, усе размовы пра яго становяцца «пустымі».

 
Святы Айцец заахвоціў праяўляць любоў да бліжніх
2013-04-29 09:17:28

29 красавіка Святы Айцец Францішак звярнуўся да вернікаў з новым запісам у «Твітэры». «Як было б цудоўна, калі б у канцы дня кожны з нас мог сказаць: сёння я зрабіў жэст любові ў адносінах да іншых!» — так гучыць запіс у папскім профілі.

 
Папа ў «Твітэры»: Дух Святы сапраўды перамяняе нас
2013-04-28 11:01:25

28 красавіка ў папскім профілі ў «Твітэры» з’явіўся новы запіс. «Дух Святы сапраўды перамяняе нас. З нашым супрацоўніцтвам Ён таксама хоча перамяніць свет, у якім мы жывём», — так гучаць словы Святога Айца Францішка.

 

Усяго 229 матэрыялаў адзначана цэтлікам Папа Францішак.

Пры выкарыстанні матэрыялаў сайта спасылка на Catholic.By абавязкова.