Шчырыя віншаванні і благаслаўленне перадаў Святы Айцец Францішак Прэзідэнту Італіі Джорджыо Напалітана, які 20 красавіка быў абраны на другі тэрмін як кіраўнік дзяржавы. Папа пажадаў Прэзідэнту, каб ён быў здольным «працягваць сваю светлую і мудрую дзейнасць, падтрыманую адказным супрацоўніцтвам усіх».

21 красавіка з’явіўся новы запіс у профілі Святога Айца Францішка ў «Твітэры» «„Авечкі Мае слухаюць голасу Майго, і Я ведаю іх“. Голас Езуса ўнікальны! Ён накіроўвае нас на шлях жыцця», — так гучаць словы Папы.

21 красавіка пасля малітвы «Regina Cаeli» Святы Айцец Францішак звярнуў увагу на некаторыя міжнародныя праблемы. Папа адзначыў, што ўважліва сочыць за падзеямі, што адбываюцца ў Венесуэле, дзе нарастае паслявыбарчы крызіс. Пантыфік сказаў аб сваёй глыбокай заклапочанасці дадзенай сітуацыяй і аб тым, што «інтэнсіўна моліцца» аб пошуку шляхоў справядлівага і мірнага пераадолення «сур’ёзных цяжкасцяў», якія перажывае краіна.

«Быць пастырамі, а не службовымі асобамі», заклікаў Святы Айцец Францішак навучэнцаў рымскіх семінарый, якім 21 красавіка ў ватыканскай базыліцы ўпершыню ў якасці Пантыфіка ўдзяліў святарскае пасвячэнне. Папа падкрэсліў, што святары — прапаведнікі Евангелля і пастыры Божага народу.

21 красавіка Святы Айцец Францішак упершыню ў якасці Рымскага Пантыфіка ўдзеліць святарскае пасвячэнне. Сакрамэнт святарства ў базыліцы св. Пятра прымуць 10 навучэнцаў рымскіх семінарый.

Папа Францішак перадаў спачуванні грамадзянскім уладам горада Вэст (ЗША), а таксама сем’ям ахвяраў выбуху на тэхаскім заводзе. Святы Айцец скіраваў спачувальную тэлеграму за подпісам Дзяржаўнага Сакратара кардынала Тарчызіо Бэртонэ на імя біскупа Джо Сціва Васкуэза.

15 і 18 красавіка папа Францішак прыняў дзве групы іерархаў з італьянскага рэгіёна Трывенета, якія знаходзяцца ў Рыме з візітам «ad limina apostolorum». Як адзначыў арцыбіскуп Удзінэ Андрэа Бруна Мацаката, падчас сустрэчы Пантыфік зрабіў акцэнт на тэме пакліканняў, у першую чаргу да кансэкраванага жыцця.

Святы Айцец Францішак падзякаваў аргенцінскім маці за іх барацьбу з беднасцю і намаганні па спыненні пакут многіх людзей. Члены асацыяцыі «Маці плошчы Мая» напісалі ліст да Папы, у якім павіншавалі яго з абраннем на Пасад св. Пятра.

Святы Айцец Францішак просіць католікаў усяго свету разам з ім маліцца за ахвяраў выбуху ў Тэхасе (ЗША). Гэты заклік быў апублікаваны 18 красавіка ў папскім профілі ў «Твітэры».

Глядзець на душпастырскую дзейнасць у місійным ключы — з такім заклікам звярнуўся папа Францішак да епіскапату Аргенціны ў сувязі з яго пленарным пасяджэннем, якое пачнецца 20 красавіка. Святы Айцец, які перад сваім абраннем быў членам епіскапату і павінен быў прыняць удзел у гэтай асамблеі, у першую чаргу папрасіў прабачэння ў іерархаў за тое, што не зможа ўдзельнічаць у ёй.

Пасля агульнай аўдыенцыі 17 красавіка Святы Айцец Францішак сустрэўся з паслом Саудаўскай Аравіі ў Італіі. Салех Мухамед аль-Гамдзі перадаў Пантыфіку пасланне ад караля Абдалы бін Абдэль-Азіза.

16 красавіка 2013 г., Мінск

17 красавіка ў профілі Святога Айца Францішка ў «Твітэры» з’явіліся новыя запісы. «Унебаўшэсце Езуса не азначае Яго адсутнасці, але азначае, што Ён прысутнічае сярод нас новым чынам, побач з кожным з нас», — так гучыць першы запіс.

Святы Айцец Францішак моліцца за ахвяраў землятрусу, які адбыўся на тэрыторыі Ірана і Пакістана. На заканчэнне агульнай аўдыенцыі 17 красавіка Папа падкрэсліў, што з «сумам прыняў навіну пра гвалтоўныя штуршкі», якія прывялі да смерці многіх людзей, шматлікіх пакут і разбурэнняў.

Як паведаміў кіраўнік Прэс-службы Апостальскай Сталіцы кс. Фэдэрыка Ламбардзі, 16 красавіка папа Францішак патэлефанаваў Бэнэдыкту ХVI у Кастэль Гандольфа і павіншаваў яго з днём нараджэння. У гэты дзень Рымскі Пантыфік на пенсіі адзначаў сваё 86-годдзе.

16 красавіка 2013 г., Мінск

16 красавіка 2013 г., мінскі архікатэдральны касцёл

Папа Францішак глыбока засмучаны навіной аб гібелі людзей і атрыманні многімі сур’ёзных траўм у выпадку акту насілля, учыненага 15 красавіка ў Бостане. Святы Айцец выказаў сваю малітоўную блізкасць усім пацярпелым і запэўніў у малітве за загінуўшых у выніку гэтай «бессэнсоўнай трагедыі».

16 красавіка 2013 г., мінскі архікатэдральны касцёл

Ваша Эксцэленцыя, глыбокапаважаны арцыбіскуп Клаўдыё Гуджэроцці, вашы Эксцэленцыі Гродзенскі біскуп Аляксандр Кашкевіч, Пінскі біскуп Антоні Дзям’янка, дапаможны біскуп Пінскай дыяцэзіі Казімір Велікаселец, Апостальскі адміністратар Віцебскай дыяцэзіі ксёндз прэлат Францішак Кісель, Апостальскі візітатар для грэка-католікаў у Беларусі архімандрыт Сергей Гаек, прадстаўнік Беларускай Праваслаўнай Царквы айцец Аляксандр Шымбалёў, прадстаўнік лютэранскай супольнасці пастар Уладзімір Татарнікаў, паважаныя святары і кансэкраваныя асобы, прадстаўнікі дзяржаўнай улады і дыпламатычных місій, браты і сёстры!

15 красавіка Святы Айцец прыняў на аўдыенцыі Марыяна Рахоя Брэя, старшыню іспанскага ўрада. З палітыкам сустрэўся таксама Дзяржаўны сакратар кардынал Тарчызіо Бэртонэ. Падчас сустрэч абмяркоўвалася складаная сусветная фінансава-эканамічная сітуацыя, якая закранула як Іспанію, так і іншыя еўрапейскія краіны, і прывяла да крызісу занятасці, што ўдарыў перш за ўсё па сем’ях і моладзі.