«Уваскрасенне — гэта перамога прабачэння і любові над злом і нянавісцю. Хрыстус прыносіць нам плёны сваёй крыжовай смерці і ўваскрасення — супакой сэрца, прымірэнне з Богам і паўнату жыцця», — адзначае біскуп Пінскі.

«Любоў Божая, якая праявілася ў тым, што Ён не пашкадаваў свайго Сына для збаўлення людзей, дазваляе чалавеку паверыць у прысутнасць любові ў свеце, паверыць у яе магутнасць», – піша Апостальскі візітатар архімандрыт Сяргей Гаек.

«У Хрысце смерць перамяняецца ў жыццё. Таму разам з анёламі мы павінны казаць: “Езуса няма ў магіле. Ён уваскрос і ёсць сярод нас!”» — піша арцыбіскуп Тадэвуш Кандрусевіч.