Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія падарожжы]
Чатырохдзённая пілігрымка Святога Айца Бэнэдыкта XVI, якая завяршылася 14 мая 2010 г., праходзіла «слядамі Паўла VI і Яна Паўла ІІ у перспектыве 100-й гадавіны фацімскіх аб’яўленняў», — піша ў каментарыях, падсумоўваючы 15-е замежнае падарожжа Папы, рэдактар штотыднёвіка Апостальскай Сталіцы «L’оsservatore Romano» Джаванні Марыя Віян.
11 мая 2010 г. распачаўся візіт Святога Айца Бэнэдыкта XVI у Партугалію. Самалёт Пантыфіка вылецеў з Рыма ў 9.15. З 11 па 14 мая Папа наведае сталіцу краіны Лісабон, Фаціму і Порту. Дэвізам пілігрымкі сталі словы: «Разам накіроўваемся да надзеі».
«Візіт Бэнэдыкта XVI у Фаціму будзе вяртаннем Святога Айца да месца, дзе здзейсніліся здарэнні, якімі Папа старанна займаўся з духоўнага і тэалагічнага пункту гледжання», — адзначыў кс. Федэрыко Ламбардзі SI, кіраўнік Прэс-службы Апостальскай Сталіцы.
На цэнтральнае месца ўваскрослага Хрыста ў прапаведванні Святога Айца Бэнэдыкта XVI звяртае ўвагу ў чарговым нумары штотыднёвіка Апостальскай Сталіцы «L’оsservatore Romano» яго галоўны рэдактар Джаванні Марыя Віян. Артыкул ватыканскага выдання прысвечаны пілігрымцы Святога Айца на Мальту, што завяршылася ў нядзелю 18 красавіка 2010 г., і 5-й гадавіне абрання кардынала Ёзафа Ратцынгера на Святы Пасад, якая адзначалася ўчора.
19 красавіка 2010 г. — пятая гадавіна Пантыфікату Святога Айца Бэнэдыкта ХVI. За гэты час Папа здзейсніў 13 замежных падарожжаў, падчас якіх наведаў 15 дзяржаў. 26 разоў Святы Айцец падарожнічаў па Італіі і наведаў 11 рымскіх парафій. 
З 4 па 6 чэрвеня 2010 г. адбудзецца візіт Святога Айца Бэнэдыкта XVI на Кіпр. Апостальская Сталіца абвясціла праграму візіту Пантыфіка.
У гэтым годзе Святы Айцец Бэнэдыкт XVI правядзе адпачынак у Кастэль Гандольфа (прыгарад Рыма). Нягледзячы на атрыманыя запрашэнні, Пантыфік, аднак, не накіруецца на гэты раз у Альпы, — паінфармавала Прэс-служба Апостальскай Сталіцы.
У нядзелю 2 мая 2010 г. Святы Айцец Бэнэдыкт XVI наведае Турын (Італія) і ўшануе Турынскую Плашчаніцу, у якую паводле хрысціянскай традыцыі было завернута пасля смерці цела Езуса Хрыста і на якой засталіся сляды мук Пана. Мітрапаліт Турынскі кардынал Северыно Палетто выказаў перакананне, што візіт Папы стане важнай падзеяй у багатай гісторыі Турынскай дыяцэзіі.
6–7 лістапада 2010 г. адбудзецца візіт Святога Айца Бэнэдыкта XVI у Іспанію. Як паведаміў кіраўнік Прэс-службы Апостальскай Сталіцы кс. Фэдэрыко Ламбардзі SI, гэтае падарожжа стане пятым па ліку для Пантыфіка ў бягучым годзе.
Падчас візіту ў Апостальскую Сталіцу міністр замежных спраў Літвы Аўдронюс Ажубаліс перадаў скіраванае да Святога Айца Бэнэдыкта XVI запрашэнне Прэзідэнта краіны Далі Грыбаўскайтэ наведаць Літву. 19 лютага 2010 г. міністр замежных спраў краіны сустрэўся з Сакратаром па адносінах з дзяржавамі Дзяржаўнага Сакратарыяту арцыбіскупам Дамінікам Мамбэрці.
Cёлетні адпачынак Святы Айцец Бэнэдыкт XVI правядзе не ў Ле-Комб, як у мінулым годзе. Пра гэта паведамляе штотыднёвік «Il Corriere della Valle», не называючы, аднак, дакладнага месца адпачынку Пантыфіка ў гэтым годзе. 
У Апостальскай Сталіцы апублікавана праграма візіту Святога Айца Бэнэдыкта XVI на Мальту, які адбудзецца 17–18 красавіка 2010 г. У межах візіту Пантыфік наведаў сталіцу Мальты Валету, Грот святога Паўла ў Рабаце і Фларыяну. Апостальская пілігрымка Папы звязана з 1950-годдзем з часу прыбыцця апостала Паўла на востраў.
Падчас сустрэчы з каталіцкімі біскупамі Англіі і Уэльса, якая адбылася 1 лютага 2010 г., Святы Айцец Бэнэдыкт XVI пацвердзіў свой намер наведаць у бягучым годзе Вялікабрытанію. Аб планах Папы наконт візіту гаварылася раней, аднак дакладная дата не была вядома. Як было вызначана падчас сустрэчы, візіт адбудзецца ў верасні 2010 г.
17 студзеня 2010 г. Святы Айцец Бэнэдыкт XVI наведаў галоўную сінагогу Рыма. Падчас візіту Папа заклікаў хрысціян і юдэяў да супольнага сведчання аб першасным значэнні Бога для сённяшняга свету. Візіт Святога Айца ў рымскую сінагогу стаў першым за час яго Пантыфікату.
17 студзеня 2010 г., падчас наведвання галоўнай сінагогі Рыма, Святы Айцец Бэнэдыкт XVI аспрэчыў абвінавачванні ў тым, што Апостальская Сталіца не процідзейнічала знішчэнню яўрэяў у гады ІІ Сусветнай вайны. Пантыфік падкрэсліў, што ў гэты час Ватыкан дапамагаў яўрэям, здзяйсняючы садзейнічанне «ўтоенымі і незаўважнымі спосабамі».
29 сакавіка 2010 г., у панядзелак Вялікага тыдня, Святы Айцец Бэнэдыкт XVI будзе цэлебраваць святую Імшу з нагоды 5-годдзя смерці папы Яна Паўла ІІ. Аб гэтым паведамляе апублікаваны 15 студзеня ў Апостальскай Сталіцы каляндар цырымоній з удзелам Святога Айца з лютага па красавік гг.
У нядзелю 17 студзеня 2010 г. Святы Айцец Бэнэдыкт XVI наведае сінагогу ў Рыме. Візіт Пантыфіка звязаны з адзначэннем дню паглыблення і развіцця дыялога паміж католікамі і юдэямі, які па традыцыі папярэднічае Тыдню малітваў за адзінства хрысціянаў.
У 2010 г. адбудуцца візіты Святога Айца Бэнэдыкта XVI у розныя дыяцэзіі Італіі. 2 мая Пантыфік прыбудзе ў Турын. Візіт Папы супадзе з выстаўленнем у базыліцы гэтага горада Турынскай Плашчаніцы — адной з найбольш каштоўных хрысціянскіх рэліквій.
У межах свайго візіту ў Партугалію, які адбудзецца з 11 па 14 мая 2010 г., Святы Айцец Бэнэдыкт XVI наведае Лісабон, Фаціму і Порта. У гэтым жа годзе запланаваны візіты Пантыфіка на Мальту, Кіпр і ў Вялікабрытанію.Усяго 123 матэрыялаў адзначана цэтлікам Папскія падарожжы.
Пры выкарыстанні матэрыялаў сайта спасылка на Catholic.By абавязкова.
