Кіраўнік Прэс-службы Апостальскай Сталіцы кс. Фэдэрыка Ламбардзі SI адзначыў, што візіт Бэнэдыкта ХVI у Ліван прайшоў з вялікім поспехам як з духоўнага, так і з чалавечага пункту гледжання. «Ліван чакаў візіту Папы, каб пачуць словы суцяшэння для сваёй еднасці, унутранага супакою, суіснавання розных этнічных груп, і гэта было дасягнута», — сказаў святар.

«Ніколі не бралася пад увагу магчымасць адмяніць папскі візіт у Ліван, а нарастаючае напружанне на Блізкім Усходзе тым больш узмацніла жаданне Бэнэдыкта XVI наведаць гэтую краіну, каб абвяшчаць мір і выказаць усім сваю глыбокую салідарнасць», — адзначыў Дзяржаўны сакратар Яго Святасці кардынал Тарчызіо Бэртонэ.

14 верасня распачынаецца трохдзённы візіт Святога Айца Бэнэдыкта XVI у Ліван. Ужо зараз журналісты, палітыкі і духавенства выказваюць надзею, што гэтае падарожжа прынясе хаця б крыху міру ўсяму Блізкаму Усходу. Што чакае Папу ў Ліване і якая гэта краіна?

З 14 па 16 верасня Святы Айцец Бэнэдыкт XVI наведае Ліван. Трансліраваць візіт Папы ў прамым эфіры будзе глабальная каталіцкая сетка EWTN, якая прысутнічае ў 140 краінах свету.

Кардынал Жан-Луі Таран падкрэсліў, што ліванцы вельмі зацікаўлены ў тым, каб запэўніць Святому Айцу максімум бяспекі падчас візіту ў іх краіну. Старшыня Папскай рады па міжрэлігійным дыялогу будзе суправаджаць Папу ў гэтай паездцы, якая распачнецца 14 верасня.

«Жыхары Блізкага Усходу павінны зразумець, што толькі ўзаемная павага і братэрства паміж усімі жыхарамі адкрые перад імі шчаслівую будучыню», — адзначыў кардынал Леанарда Сандры. Старшыня Кангрэгацыі па справах Усходніх Касцёлаў нагадаў таксама пра трагічную сітуацыю хрысціян у гэтым рэгіёне і заклікаў да шанавання іх грамадзянскіх правоў.

Старшыня Папскай рады спрыяння хрысціянскаму адзінству кардынал Курт Кох лічыць, што візіт Святога Айца Бэнэдыкта XVI у Ліван прынясе важныя імпульсы для экуменізму, міжрэлігійнага дыялога і для міру ва ўсім рэгіёне Блізкага Усходу. Аб гэтым кардынал Кох, які будзе суправаджаць Папу ў падарожжы, сказаў аўстрыйскаму каталіцкаму агенцтву «Kathpress».

Падчас апостальскага падарожжа ў Ліван Святы Айцец Бэнэдыкт ХVI благаславіць статую армянскага манаха Акопа Мегапарта, аўтара першай кнігі на армянскай мове, якая была апублікавана ў 1512 г. у Венецыі. Гэта адбудзецца 15 верасня, калі Папа прыбудзе ў рэфекторый Армянскага каталіцкага Патрыярхату ў Бзамары.

Падчас апостальскага візіту ў Ліван, які распачнецца 14 верасня, Святы Айцец Бэнэдыкт XVI наведае чатыры Патрыярхаты, што маюць свае сядзібы на тэрыторыі гэтай блізкаўсходняй краіны. Адразу пасля прыбыцця ў Бейрут Папа накіруецца ў невялікае прадмесце сталіцы Харысу. Тут у базыліцы св. Паўла, якая належыць грэка-мельхіцкаму Патрыярхату і знаходзіцца побач з санктуарыем Маці Божай Ліванскай, Пантыфік падпіша паслясінадальную адгартацыю для Блізкага Усходу.

Падчас падарожжа ў Ліван, якое адбудзецца ў верасні, Святы Айцец Бэнэдыкт XVI уручыць іерархам з Блізкага Усходу спецыяльную апостальскую адгартацыю, прысвечаную праблемам рэгіёна. Яна з’яўляецца плёнам разважанняў і дыскусій паміж удзельнікамі Сінода Біскупаў, які праходзіў 10–24 кастрычніка 2010 г. у Ватыкане.

У Ватыкане была абнародавана праграма вераснёўскага візіту Святога Айца Бэнэдыкта XVI у Ліван, падчас якога будзе падпісаны і афіцыйна прэзентаваны Апостальскі зварот па выніках Сінода Біскупаў па Блізкім Усходзе.

26 чэрвеня Святы Айцец Бэнэдыкт ХVI наведаў рэгіён Эмілія-Раманья ў Паўночнай Італіі, які пацярпеў ад землятрусу 29 мая гг. Пантыфік прыбыў падтрымаць ахвяр бедства і прынесці ім надзею.

У аўторак 26 чэрвеня Святы Айцец Бэнэдыкт XVI наведае тэрыторыі, якія нядаўна пацярпелі ад землятрусу на поўначы Італіі (рэгіён Эмілія-Раманья). Пантыфік затрымаецца ў касцёле Равэрэта дзі Нові, дзе 29 мая ў выніку прыроднай катастрофы загінуў мясцовы пробашч.

У нядзелю 13 мая 2012 г. Святы Айцец Бэнэдыкт XVI пабываў у Таскане. Праграма візіту ў гэты рэгіён Італіі ахоплівала наведванне трох месцаў: горада Арэцца, санктуарыя ў Ла Вэрна і горада Сансэльпокра.

15 ліпеня Святы Айцец Бэнэдыкт XVI наведае мястэчка Фраскаці каля Рыма. Тут раніцай Пантыфік узначаліць літургію, а пасля накіруецца ў рэзідэнцыю ў Кастэль Гандольфа, каб апоўдні ўзначаліць малітву «Анёл Панскі».

Апостальская Сталіца паведаміла аб запланаваных мерапрыемствах на бліжэйшыя некалькі месяцаў з удзелам Святога Айца Бэнэдыкта XVI. Вядома, што 13 мая Папа накіруецца з пастырскім візітам у горад Арэццо, а праз два тыдні, 1—3 чэрвеня, прыме ўдзел у Сусветнай сустрэчы сем’яў у Мілане.

Святы Айцец Бэнэдыкт XVI штодня моліцца на ружанцы перад абразом Маці Божай Гвадэлупскай. Такім чынам Пантыфік рыхтуецца да візіту ў Лацінскую Амерыку.

14–16 верасня 2012 г. Святы Айцец Бэнэдыкт XVI здзейсніць візіт у Ліван. Аб гэтым паведаміў Патрыярх Мелькіцкай Царквы Грыгорый ІІІ Лахам.

Святы Айцец Бэнэдыкт XVI прыме ўдзел у Сусветнай сустрэчы сем’яў, што пройдзе з 29 мая па 3 чэрвеня ў Мілане. Гэта будзе ўжо 28-е папскае падарожжа.

Прэс-служба Апостальскай Сталіцы апублікавала праграму 23-га замежнага падарожжа Святога Айца Бэнэдыкта XVI у Мексіку і на Кубу. Пройдзе яно з 23 па 29 сакавіка гг.