Вясна 2012 года плануе быць насычанай для Пантыфіка. У Ватыкане апублікавалі план мерапрыемстваў з удзелам Святога Айца Бэнэдыкта XVI з лютага па красавік 2012 года.

Хутчэй за ўсё Святы Айцец Бэнэдыкт XVI наведае Ліван ужо ў гэтым годзе. У інтэрв’ю амерыканскаму каталіцкаму тэлебачанню «EWTN» прэс-сакратар Апостальскай Сталіцы кс. Фэдэрыко Ламбардзі SJ адзначыў, што Пантыфік выкарыстаў бы візіт для перадачы апостальскай адгартацыі па выніках Сіноду Біскупаў для Блізкага Усходу ў 2010 г.

13 мая 2012 года Святы Айцец Бэнэдыкт XVI здзейсніць пастырскае падарожжа на тэрыторыі Італіі. На тэрыторыі рэгіёну Таскана Пантыфік наведае горад Арэццо, францішканскі санктуарый у Ла Вэрна і конкатэдру ў Сансэполькро.

Стала вядома дата 23-га пастырскага падарожжа Святога Айца Бэнэдыкта XVI у Мексіку і на Кубу. Візіт будзе праходзіць з 23 па 28 сакавіка 2012 года.

Святы Айцец Бэнэдыкт XVI паведаміў аб тым, што перад Вялікаднем наведае Мексіку і Кубу. Пра візіт у краіны Лацінскай Амерыкі Пантыфік паведаміў 12 снежня 2011 г. падчас святой Імшы, у якой маліўся за жыхароў гэтага кантынента.

У суботу 19 лістапада 2011 г., у другі дзень візіту ў Бенін, Святы Айцец сустрэўся са святарамі, а таксама з біскупамі Афрыканскага кантынента. «Праз вашую асабістую харызму, жывучы ў духу адкрытасці і паўсюднасці Касцёла, вы здолееце ўносіць уклад ў гарманічнае аб’яўленне бясконцасці Божых дароў на службе ўсяму чалавецтву», — адзначыў Пантыфік.

Адным з галоўных пунктаў пастырскага візіту Святога Айца Бэнэдыкта XVI у Бенін стала перадача біскупам Афрыкі паслясінадальнай апостальскай адгартацыі «Africae munus». Дакумент быў падпісаны 19 лістапада 2011 г. у базыліцы Беззаганага Зачацця Найсвяцейшай Панны Марыі горада Уіда, а 20 лістапада перададзены біскупам кантынента.

«Духоўнымі лёгкімі» свету Святы Айцец Бэнэдыкт XVI назваў афрыканскі кантынент у размове з журналістамі на борце самалёта. 18 лістапада Пантыфік накіраваўся ў трохдзённае пастырскае падарожжа ў Бенін.

Святы Айцец Бэнэдыкт XVI накіраваўся ў Бенін. 18 лістапада 2011 г. распачнецца трохдзённае падарожжа Папы ў гэтую афрыканскую краіну.

У Ватыкане прадставілі праграму пастырскага візіту Святога Айца Бэнэдыкта XVI у Бенін (Заходняя Афрыка). 22-е падарожжа Пантыфіка адбудзецца 18–20 лістапада 2011 г.

Вясной 2012 года Святы Айцец Бэнэдыкт XVI наведае Мексіку і Кубу. Аб гэтым паведаміў кіраўнік Прэс-службы Апостальскай Сталіцы кс. Фэдэрыко Ламбардзі.

У нядзелю 9 кастрычніка 2011 г. Святы Айцец Бэнэдыкт XVI наведаў з пастырскім візітам Калабрыю — дастаткова праблемны рэгіён Італіі. Важнейшай праблемай тут з’яўляецца ўплыў мафіі і звязаная з гэтым карупцыя.

Прэс-служба Апостальскай Сталіцы прадставіла план мерапрыемстваў з удзелам Святога Айца Бэнэдыкта XVI на бліжэйшы час. Сярод іх — цэлебрацыя набажэнстваў і пастырскае падарожжа ў Афрыку.

Чарговыя два томы збору твораў Святога Айца Бэнэдыкта XVI выйдуць у свет да яго візіту ў Германію. Сваю радзіму Пантыфік наведае 22–25 верасня гг.

17 верасня 2011 г., напярэдадні пастырскага візіту ў Германію, Святы Айцец Бэнэдыкт XVI правядзе праграму «Слова на нядзелю» на першым канале нямецкага тэлебачання. У ёй Пантыфік падзеліцца разважаннямі да нядзельнай літургіі слова.

11 верасня 2011 г. Святы Айцец Бэнэдыкт XVI наведае Анкону (Італія) з нагоды XXV Нацыянальнага эўхарыстычнага кангрэса. Гэта будзе ўжо 24-e пастырскае падарожжа.

У пачатку лета Святы Айцец Бэнэдыкт XVI здзейсніць 19-е пастырскае падарожжа. 4–5 чэрвеня 2011 г. Папа наведае Харватыю.

Падобна як у мінулым годзе, летні адпачынак Святы Айцец Бэнэдыкт XVI правядзе сёлета ў Кастэль Гандольфа (прыгарад Рыма). Адпаведную інфармацыю падала Прэфектура Папскага дома.

Адкрываць багацце хрысціянскай традыцыі і адважна адказваць на выклікі сучаснасці заклікаў Святы Айцец Бэнэдыкт XVI вернікаў паўночна-ўсходняй часткі Італіі. 7–8 мая 2011 г. Папа наведаў Аквілею і Венецыю.

У бліжэйшыя выхадныя, 7–8 мая 2011 г., Святы Айцец Бэнэдыкт XVI з душпастырскім візітам наведае Аквілею і Венецыю (Італія). Дэвізам пілігрымкі стануць словы «Умацоўвай нашу веру».