«Няхай Бог благаславіць народ Вялікабрытаніі!» — сказаў Святы Айцец Бэнэдыкт XVI, звяртаючыся да англійскіх пілігрымаў, якія прымалі ўдзел у агульнай аўдыенцыі 8 верасня 2010 г. Перад сваім падарожжам у Вялікабрытанію Папа падкрэсліў, што для яго будзе вялікай радасцю беатыфікацыя кардынала Джона Генры Ньюмана, якая адбудзецца ў Бірмінгеме 19 верасня.

5 верасня 2010 г. Святы Айцец Бэнэдыкт XVI склаў кароткі візіт у Карпінето Рамано (Італія), дзе 200 год таму нарадзіўся Джаакіна Печчы — будучы папа Леў ХІІІ. Падчас святой Імшы на плошчы Монці Лепіні з удзелам 5 тысяч мясцовых жыхароў Пантыфік адзначыў: «Ён быў мужам вялікай веры і глыбокай пабожнасці, што заўсёды з’яўляецца падставай усяго для кожнага хрысціяніна, не выключаючы і Папы».

5 верасня 2010 г., у нядзелю, Святы Айцец Бэнэдыкт XVI складзе трохгадзінны візіт у Карпінето Рамано (Італія), дзе 200 гадоў таму нарадзіўся адзін з яго папярэднікаў — будучы папа Леў ХІІІ. Там Пантыфік сустрэнецца з мясцовымі ўладамі і будзе цэлебраваць святую Імшу пад адкрытым небам.

З 16 па 19 верасня 2010 г. адбудзецца апостальскае падарожжа Святога Айца Бэнэдыкта XVI у Вялікабрытанію, у ходзе якога Папа наведае Эдынбург, Глазго, Лондан і Бірмінгем. Прэс-служба Апостальскай Сталіцы абвясціла праграму візіту Пантыфіка.

Апостальская Сталіца афіцыйна пацвердзіла, што з 16 па 19 верасня 2010 г. Святы Айцец Бэнэдыкт XVI наведае Вялікабрытанію. Адпаведны камунікат выдала Прэс-служба Апостальскай Сталіцы.

Як паведамляе Прэс-служба Апостальскай Сталіцы, у ліпені 2010 г. Бэнэдыкт XVI наведае рэгіён Абруццо на беразе Адрыятычнага мора, які ў мінулым годзе пацярпеў ад землятрусу. У выніку стыхійнага бедства загінулі 300 чалавек і больш 65 тысяч італьянцаў засталіся без даху над галавой. Сёлета Пантыфік наведае горад Сулмона.

Чарговы нумар штотыднёвіка Апостальскай Сталіцы «L’Osservatore Romano» прысвечаны візіту Святога Айца Бэнэдыкта XVI на Кіпр. Галоўны рэдактар выдання Джаванні Марыя Віян называе гэтае падарожжа Папы «поспехам, які варта запомніць».

4 чэрвеня 2010 г. распачалася трохдзённая паездка Святога Айца Бэнэдыкта XVI на Кіпр. Самалёт Папы прыбыў у Пафас каля 14-й гадзіны. З 4 па 6 чэрвеня Пантыфік сустрэнецца з каталіцкімі біскупамі Блізкага Усходу, якім уручыць працоўны дакумент (Instrumentum laboris) Спецыяльнага Сіноду Біскупаў для гэтага рэгіёна, з прадстаўнікамі Праваслаўнай Царквы і мясцовымі вернікамі.

Увечары 31 мая 2010 г., як і кожны год напрыканцы гэтага веснавога месяца, Святы Айцец Бэнэдыкт XVI прыбыў да Грота Маці Божай у Ватыканскіх садах і звярнуўся да вернікаў, якія сабраліся там.