4 лютага Святы Айцец Бэнэдыкт XVI сустрэўся з Прэзідэнтам Італіі Джорджа Напалітана. Адбылося гэта перад канцэртам, прысвечаным 84-й гадавіне падпісання Латэранскіх пагадненняў.

11 лютага Святы Айцец Бэнэдыкт XVI узначаліць Звычайную кансісторыю па справах некаторых кананізацыйных працэсаў. Аб гэтым паінфармавала Служба папскіх літургічных цэлебрацый. Кансісторыя пачнецца ў 11 гадзін.

Восенню Святы Айцец Бэнэдыкт ХVI сустрэнецца з сем’ямі, які прыбудуць у Рым з розных краін свету з нагоды Года веры. Аб гэтым стала вядома 4 лютага падчас прэзентацыі актаў Сусветнай сустрэчы сем’яў.

Пра духоўны змест творчасці Людвіга ван Бетховена і Джузэпэ Вердзі нагадаў Святы Айцец Бэнэдыкт XVI на заканчэнне канцэрту, які адбыўся вечарам 4 лютага ў зале Паўла VI. Канцэрт быў арганізаваны пасольствам Італіі ў Апостальскай Сталіцы з нагоды 84-годдзя падпісання Латэранскіх пагадненняў.

У апошнюю нядзелю студзеня адзначаецца Сусветны дзень барацьбы з праказай, мэта якога — прыцягнуць увагу грамадскасці, органаў адміністрацыйнага кіравання, арганізацый, дзелавых колаў, дабрачынных фондаў, рэлігійных супольнасцяў і прыватных асоб. 27 студзеня Бэнэдыкт XVI нагадаў пра абавязак хрысціян клапаціцца аб хворых, асабліва церпячых на цяжкія захворванні, такія, як праказа.

Пасля малітвы «Анёл Панскі» 27 студзеня Святы Айцец нагадаў, што сёння ва ўсім свеце адзначаецца Дзень памяці ахвяр халакосту. «Памяць аб гэтай страшнай трагедыі, якая вельмі моцна ўдарыла па яўрэйскім народзе, павінна быць пастаянным напамінам усім, каб не дапусціць паўтарэння жахаў мінулага, не прымаць ніякай формы нянавісці і расізму і падтрымліваць імкненні да павагі і годнасці чалавека», — сказаў Папа.

З нагоды інаўгурацыі новага судовага года ў Трыбунале Рымскай Роты, якая прайшла 26 студзеня, папа Бэнэдыкт XVI сустрэўся з супрацоўнікамі гэтай установы Святога Пасаду. У звароце да іх Святы Айцец закрануў некаторыя аспекты сувязі паміж верай і сакрамэнтам сужэнства.

25 студзеня Бэнэдыкт XVI сустрэўся з членамі Міжнароднай змешанай камісіі па тэалагічным дыялогу паміж Каталіцкім Касцёлам і Праваслаўнымі Цэрквамі. Большасць іерархаў, якія прыбылі ў Апостальскую Сталіцу, паходзіць з земляў, дзе, паводле Пантыфіка, «хрысціяне як індывідуўмы і супольнасць павінны адказаць на балючыя выпрабаванні».

На заканчэнне агульнай аўдыенцыі 23 студзеня Святы Айцец Бэнэдыкт XVI звярнуўся з заклікам аб дапамозе пацярпелым ад вялікай паводкі, якая абрынулася на сталіцу Інданэзіі Джакарту. Паводка выклікала чалавечыя ахвяры і нанесла сур’ёзную шкоду.

22 студзеня Святы Айцец Бэнэдыкт ХVI прыняў на аўдыенцыі Генеральнага сакратара камуністычнай партыі В’етнама Нгуэна Фу Чонга. Гэта быў першы ў гісторыі візіт кіраўніка в’етнамскай камуністычнай партыі ў Апостальскую Сталіцу.

22 студзеня Бэнэдыкт ХVI прыме Генеральнага сакратара камуністычнай партыі В’етнама Нгуэна Фу Чонга. Звычайна Святы Айцец прымае на аўдыенцыях кіраўнікоў дзяржаў і ўрадаў, палітычных лідараў — рэдка.

19 студзеня Святы Айцец Бэнэдыкт XVI сустрэўся з удзельнікамі пленарнага пасяджэння Папскай рады «Cor Unum», якое праходзіла ў Ватыкане і было прысвечана тэме «Любоў, новая этыка і хрысціянская антрапалогія».

17 студзеня папа Бэнэдыкт XVI прыняў на аўдыенцыі экуменічную дэлегацыю Фінляндыі. Дэлегацыя прыбыла ў Апостальскую Сталіцу з нагоды свята св. Генрыха, апекуна краіны.

Маліцца аб хрысціянскім адзінстве заклікаў вернікаў Святы Айцец Бэнэдыкт XVI напрыканцы агульнай аўдыенцыі 16 студзеня. Пантыфік нагадаў, што 18 студзеня пачынаецца Тыдзень малітваў аб адзінстве хрысціянаў.

14 студзеня папа Бэнэдыкт XVI сустрэўся з супрацоўнікамі італьянскай паліцыі, якая сочыць за парадкам на плошчы Св. Пятра, тэрыторыі вакол Ватыкана і арганізуе бяспеку Пантыфіка падчас падарожжаў па Італіі. Візіт паліцэйскіх і іх сем’яў да Святога Айца пасля свята Божага Нараджэння з’яўляецца даўняй традыцыяй.

12 студзеня Святы Айцец Бэнэдыкт XVI прыняў на аўдыенцыі князя Манака Альберта ІІ і яго жонку княгіню Шарлін. Госці сустрэліся таксама з Дзяржаўным сакратаром Яго Святасці кардыналам Тарчызіо Бэртонэ і сакратаром па адносінах з дзяржавамі Дзяржаўнага Сакратарыяту Ватыкана арцыбіскупам Дамінікам Мамбэрці.

11 студзеня Святы Айцец Бэнэдыкт ХVI сустрэўся з афіцэрамі Ватыканскай жандармерыі і пажарнай службы. Папа адзначыў прафесіяналізм, з якім яны нясуць сваю службу, і нагадаў, што праца кожнага жандарма патрабуе вялікай ветлівасці і сардэчнасці, з якімі ён павінен прымаць пілігрымаў і турыстаў, што прыбываюць у Рым і Ватыкан.

10 студзеня Святы Айцец Бэнэдыкт XVI прыняў на аўдыенцыі новага пасла Босніі і Герцагавіны пры Апостальскай Сталіцы. Ім стала 37-гадовая Славіка Карачыч.

Пасля больш чым сямі гадоў Пантыфікату Бэнэдыкт XVI завяршыў першую серыю асабістых сустрэч са сваімі супрацоўнікамі. З красавіка 2005 г. Папа прыняў усе біскупскія групы з цэлага свету для асабістай размовы аб сітуацыі на месцах. Другая серыя сустрэч рапачнецца ўжо вясной.

Пытанні Бога і чалавека, які шукае сэнс жыцця і мір у свеце, дзе пануюць канфлікты, — «чырвоная нітка» прамоваў Святога Айца на працягу апошніх тыдняў. Аб гэтым піша ў газеце Апостальскай Сталіцы «L’Osservatore Romano» яе рэдактар Джаванні Марыя Віян.