Вячэрняя малітва з Папам, якая адбылася сёння, 29 снежня, на плошчы св. Пятра ў Рыме, стала цэнтральным пунктам 35-й Еўрапейскай сустрэчы моладзі, арганізаванай супольнасцю з Тэзэ. Спачатку Святы Айцец праехаў паміж сектарамі ў папамабілі і благаславіў моладзь.

Старшыня Прэс-службы Апостальскай Сталіцы кс. Фэдэрыка Ламбардзі звярнуў увагу на значэнне прывітання, якое папа Бэнэдыкт ХVI скіраваў новаму кіраўніцтву Кітайскай Народнай Рэспублікі падчас сёлетняга благаслаўлення «Urbi et Orbi». Святы Айцец нагадаў падчас благаслаўлення аб высокім заданні, якое чакае кітайскіх кіраўнікоў.

22 снежня Святы Айцец Бэнэдыкт XVI памілаваў Паоло Габрыэле, былога камердынера Папскага дома, асуджанага за крадзеж асабістых дакументаў Пантыфіка і Апостальскай Сталіцы. Каб пацвердзіць прабачэнне і асабіста паведаміць Паоло Габрыэле аб памілаванні, Папа наведаў зняволенага ў турме.

21 снежня ў ватыканскай капліцы «Redemptoris Mater» Пантыфік і супрацоўнікі Рымскай Курыі выслухалі чарговае казанне, якое прамовіў прапаведнік Папскага дома а. Раньера Канталамеса. Святар праводзіць адвэнтавыя рэкалекцыі для Папы.

21 снежня папа Бэнэдыкт XVI сустрэўся перад Божым Нараджэннем з працаўнікамі Рымскай Курыі. У прамове да сваіх найбліжэйшых супрацоўнікаў Пантыфік падвёў вынікі года, які падыходзіць да завяршэння.

Пра Езуса як «аўтара жыцця, радасці, любові і міру» казаў Святы Айцец Бэнэдыкт XVI падчас сустрэчы з моладдзю з італьянскай арганізацыі «Каталіцкая акцыя» 20 снежня. Папа заклікаў маладых вернікаў шукаць з упэўненасцю таго «аўтара міру, якога свет так патрабуе».

У адпаведнасці са статыстыкай, прадстаўленай Прэфектурай Папскага дома, у 2012 годзе колькасць удзельнікаў агульных аўдыенцый са Святым Айцом узрасла ў параўнанні з 2011 годам на 47 тысяч чалавек. На працягу года Пантыфік сустрэўся падчас гэтых аўдыенцый амаль з 500 тысячамі чалавек.

У сераду 19 снежня Святы Айцец Бэнэдыкт XVI правёў традыцыйную агульную аўдыенцыю. Свае разважанні Пантыфік прысвяціў веры Марыі, зрабіўшы гэта ў кантэксце «вялікай таямніцы Звеставання Найсвяцейшай Багародзіцы».

Пытанне справядлівага вырашэння ізраільска-палесцінскага канфлікту, сітуацыя на Блізкім Усходзе і ўклад хрысціян у жыццё гэтага рэгіёну сталі тэмай размоваў Прэзідэнта Палесцінскай Аўтаноміі ў Ватыкане. Святы Айцец Бэнэдыкт XVI прыняў Махмуда Абаса на аўдыенцыі 17 снежня.

17 снежня папа Бэнэдыкт XVI сустрэўся з італьянскімі медалістамі апошніх Алімпійскіх гульняў у Лондане, на якіх каманда Італіі заваявала 28 медалёў. Звяртаючыся да спартсменаў, Святы Айцец падкрэсліў, што Алімпіяда — праверка не толькі іх тэхнічнай падрыхтаванасці, але перш за ўсё чалавечых якасцяў.

16 снежня Святы Айцец Бэнэдыкт XVI наведаў рымскую парафію Св. Патрыцыя, дзе сустрэўся з вернікамі і ўзначаліў літургію. У гаміліі Пантыфік нагадаў пра радасць, якая прысутнічае ў Адвэнце і натхняе ўвесь час падрыхтоўкі да Божага Нараджэння і крыніца якой, па словах Папы, — трывалае пачуццё прысутнасці Збаўцы сярод нас.

На важнасць выхавання дзяцей і моладзі ў праўдзе, адказнасці за свае ўчынкі і гатоўнасці дапамагаць у складаных сітуацыях звярнуў увагу папа Бэнэдыкт XVI, звяртаючыся да паслоў шасці краін пры Апостальскай Сталіцы. 13 снежня свае даверчыя граматы склалі ў Ватыкане паслы Гвінеі, Сэнт-Вінсэнта і Грэнадын, Нігера, Замбіі, Тайланда і Шры-Ланкі.

12 снежня напрыканцы агульнай аўдыенцыі папа Бэнэдыкт XVI змясціў свой першы запіс у «Twitter». А пазней у гэты дзень Пантыфік даў у інтэрнэце першы адказ на пытанне.

На заканчэнне агульнай аўдыенцыі 12 снежня папа Бэнэдыкт XVI змясціў свой першы запіс на «Twitter». «Дарагія сябры, я рады звязацца з вамі праз „Twitter“. Дзякую за вашы шматлікія водгукі. Ад усяго сэрца вас благаслаўляю», — напісаў Святы Айцец.

7 снежня Святы Айцец Бэнэдыкт XVI сустрэўся з прадстаўнікамі Міжнароднай тэалагічнай камісіі. Пантыфік адзначыў, што навуковая праца камісіі асабліва важная ў сучасным культурным кантэксце, калі існуюць спробы пазбавіць тэалогію акадэмічнага статусу па прычыне яе цеснай сувязі з верай.

Двухбаковыя адносіны, хрысціянскае бачанне асобы, выклікі, якія стаяць перад сучасным грамадствам, і міжнародныя пытанні сталі тэмай размоваў Святога Айца Бэнэдыкта XVI з Прэзідэнтам Германіі Ёахімам Гаукам. Сустрэча нямецкага лідара з Папам адбылася 6 снежня ў межах яго візіту ў Апостальскую Сталіцу.

На заканчэнне агульнай аўдыенцыі 5 снежня Святы Айцец Бэнэдыкт XVI заклікаў да паяднання варагуючых бакоў канфлікту ў Ківу (Дэмакратычная Рэспубліка Конга). Гэты канфлікт працягваецца з 2004 года.

3 снежня Святы Айцец Бэнэдыкт XVI сустрэўся з удзельнікамі пасяджэння Папскай рады «Iustitia et pax», прысвечанага праблеме міжнароднай палітычнай улады. У пасяджэнні прымае ўдзел Мітрапаліт Мінска-Магілёўскі арцыбіскуп Тадэвуш Кандрусевіч.

«Няхай новы літургічны год, які распачынаецца, будзе для вас шляхам, на якім вы зможаце перажыць вернасць Богу», — пажадаў Святы Айцец Бэнэдыкт XVI студэнтам Рыма. Пантыфік сустрэўся з моладдзю на Нешпарах 1 снежня ў ватыканскай базыліцы.

1 снежня Святы Айцец Бэнэдыкт XVI сустрэўся са служачымі цыркаў і лунапаркаў. Каля сямі тысяч прадстаўнікоў гэтай прафесіі прыбылі ў Вечны горад, каб прыняць удзел у сустрэчы, арганізаванай Папскай радай пастырства эмігрантаў і падарожнікаў, Рымскай дыяцэзіяй і фондам «Migrantes».