Аб тым, што з клопатам сочыць за лёсам жыхароў усходняй часткі Дэмакратычнай Рэспублікі Конга, сказаў Святы Айцец Бэнэдыкт XVI падчас сённяшняй малітвы «Анёл Панскі». Папа запэўніў аб сваёй малітве за мір і знаходжанне шляху дыялога ў гэтай краіне.

20 кастрычніка Святы Айцец Бэнэдыкт XVI уручыць узнагароду Ратцынгера за выбітныя навуковыя дасягненні шэрагу тэолагаў. Як інфармуе Прэс-служба Апостальскай Сталіцы, імёны пераможцаў конкурсу «тэалагічнага Нобеля» стануць вядомымі ў бліжэйшым часе.

Да шанавання чалавечай годнасці спартсменаў заклікаў Святы Айцец Бэнэдыкт XVI навукоўцаў і ўрачоў, якія ўдзельнічаюць у XXXII Сусветным кангрэсе медыцыны спорту ў Рыме. 27 верасня Пантыфік сустрэўся з імі ў Кастэль Гандольфа.

Увечары 26 верасня 2012 г. Святы Айцец Бэнэдыкт XVI прысутнічаў на канцэрце «Oratorium Augustinus» у Кастэль Гандольфа. Канцэрт падарыла Пантыфіку Вюрцбургская дыяцэзія (Германія), і ён супаў з Міжнародным кангрэсам, прысвечаным св. Аўгустыну.

Пасля нядзельнай малітвы «Анёл Панскі» 23 верасня Святы Айцец Бэнэдыкт XVI сустрэўся ў Кастэль Гандольфа з 94-летнім кс. Алессандра дэ Санктыса. Святар 70 гадоў працуе ў адной парафіі — у Філеттына ў італьянскай правінцыі Фразінонэ.

22 верасня 2012 г. Святы Айцец Бэнэдыкт XVI сустрэўся ў Кастэль Гандольфа з міжнароднай групай хрысціянскіх дэмакратаў. Падчас сустрэчы Папа адзначыў, што нават у час складанай эканамічнай сітуацыі хрысціянін пакліканы да таго, каб дзейнічаць і казаць у прароцкім духу — значыць адчытваючы ў падзеях таямнічую прысутнасць Бога і з даверам прымаючы на сябе адказнасць.

21 верасня Святы Айцец Бэнэдыкт XVI удзяліў аўдыенцыю біскупам Францыі, якія прыбылі ў Рым з візітам аd limina Apostolorum. Звяртаючыся да іерархаў, Папа адзначыў іх энергічную працу на карысць новай евангелізацыі ў краіне і на місіі.

Забяспечыць усім магчымасць пазнання самых істотных праўдаў веры заахвоціў Святы Айцец Бэнэдыкт XVI біскупаў, прызначаных у мінулым годзе. 20 верасня Папа сустрэўся ў Кастэль Гандольфа з іерархамі, якія ўдзельнічаюць у сімпозіуме, арганізаваным Кангрэгацыяй па справах Біскупаў і Кангрэгацыяй па справах Усходніх Касцёлаў.

Да будавання міру і паяднання заклікаў хрысціян Блізкага Усходу Святы Айцец Бэнэдыкт XVI на заканчэнне агульнай аўдыенцыі 12 верасня. Таксама Папа заахвоціў увесь Касцёл да салідарнасці з імі.

10 верасня 2012 г. Святы Айцец Бэнэдыкт XVI сустрэўся ў Кастэль Гандольфа з групай калумбійскіх біскупаў, якія прабываюць у Ватыкане з візітам ad limina apostolorum. У размове з іерархамі Папа падкрэсліў, што іх прыярытэтам застаецца абарона праўды аб сям’і, а таксама ўзгадаў аб праграме епіскапату Калумбіі на 2012–2020 гг., якая кладзе націск на новую евангелізацыю.

8 верасня Святы Айцец Бэнэдыкт XVI сустрэўся з удзельнікамі XXIII Міжнароднага марыялагічнага кангрэса, які праходзіў 4–9 верасня ў Рыме. Папа адзначыў, што тэма форума, «Марыялогія пачынаючы ад Другога Ватыканскага Сабору», з’яўляецца вельмі своечасовай, бо зараз Касцёл адзначае 50-годдзе гэтай вялікай падзеі.

7 верасня Святы Айцец Бэнэдыкт XVI удзяліў аўдыенцыю новапрызначаным біскупам з місіянерскіх краін, якія ўдзельнічаюць у фармацыйным курсе, арганізаваным Кангрэгацыяй Евангелізацыі Народаў. Папа заахвоціў іерархаў да руплівай душпастырскай працы.

Вечарам 5 верасня Святы Айцец Бэнэдыкт XVI атрымаў у дар два электрамабілі, выпушчаныя канцэрнам «Renault». Яны былі спецыяльна распрацаваны для патрэбаў Пантыфіка і Ватыканскай жандармерыі на базе мадэлі «Renaul Kangoo Maxi». Перадаў іх Святому Айцу Генеральны дырэктар французскага аўтаканцэрна Карлас Госн падчас візіту ў Кастэль Гандольфа.

6 верасня Святы Айцец Бэнэдыкт XVI удзяліў аўдыенцыю новаму паслу Рэспублікі Літва ў Апостальскай Сталіцы Ірэне Вайшвілайтэ. Таксама Папа сустрэўся з арцыбіскупам Бруселя на пенсіі кардыналам Готфрыдам Даннеелсам і групай калумбійскіх біскупаў, якія прабываюць у Ватыкане з візітам ad limina Apostolorum.

Бэнэдыкт XVI заўсёды быў перакананы, што ў адносінах з лютэранамі неабходна ачышчэнне памяці. Аб гэтым паведаміў старшыня Кола вучняў Ратцынгера нямецкі сальватарыянін кс. Стэфан Хорн.

Раніцай 2 верасня папа Бэнэдыкт XVI узначаліў святую Імшу, якая прайшла ў Кастэль Гандольфа ў рамках традыцыйнай сустрэчы Кола вучняў прафесара Ратцынгера — аб’яднання былых студэнтаў, у якіх Пантыфік выкладаў, будучы прафесарам рэгенсбургскага ўніверсітэта. У гаміліі Святы Айцец звярнуў увагу на тое, што Закон, які Ізраэль атрымаў ад Бога, — гэта закон, які дае сапраўдную мудрасць.

На заканчэнне агульнай аўдыенцыі 29 жніўня Святы Айцец Бэнэдыкт XVI прывітаў групу французскіх міністрантаў, якія разам са сваімі душпастырамі прыбылі ў Рым, каб пазнаёміцца з вялікай хрысціянскай спадчынай Вечнага горада і памаліцца каля магіл святых апосталаў. Звяртаючыся да міністрантаў, Папа заклікаў іх усведамляць важнасць служэння, якое яны здзяйсняюць у Касцёле.

27 жніўня 2012 г. Святы Айцец Бэнэдыкт XVI сустрэўся з прэм’ер-міністрам Італіі Марыё Монці. Галоўнай тэмай размоваў была сітуацыя ў Еўропе.

Пасяджэнне гэтага аб’яднання былых вучняў Бэнэдыкта ХVI адбудзецца 30 жніўня ў летняй папскай рэзідэнцыі ў Кастэль Гандольфа. Тэма сёлетняй сустрэчы — «Плады экуменізму і пытанні ў дыялогу з лютэранамі і англіканамі». Адпраўной кропкай да дыскусіі будзе кніга кардынала Вальтэра Каспера, былога старшыні Папскай рады спрыяння хрысціянскаму адзінству, «Збор пладоў — асновы хрысціянскай веры ў экуменічным дыялогу», апублікаванай у 2009 г.

19 жніўня традыйная малітва «Анёл Панскі» з Пантыфікам прайшла ў летняй рэзідэнцыі ў Кастэль Гандольфа. Папа звярнуўся да вернікаў з заклікам нанова адкрыць для сябе прыгажосць Эўхарыстыі.