Яшчэ ў бытнасць кардыналам папа Францішак прызнаўся, што дзякуючы сведчанню Яна Паўла ІІ штодзень моліцца ўсе таямніцы Ружанца. Аб гэтым сённяшні Пантыфік казаў у размове з італьянскім выданнем «30 Giorni».

На агульную аўдыенцыю з папам Францішкам 3 красавіка прыбылі каля 10 тысяч пілігрымаў з архідыяцэзіі Мілана (Італія) на чале са сваім Мітрапалітам кардыналам Анджэла Скола. Большасць пілігрымаў склала моладзь.

У велікодны панядзелак, 1 красавіка, папа Францішак патэлефанаваў арцыбіскупу Ларысу Франчэска Капавіле, былому асабістаму сакратару папы Яна ХХІІІ, каб павіншаваць іерарха з Вялікаднем, а таксама падзякаваць за рэкламныя плакаты, зробленыя да Года веры ў яго дыяцэзіі на поўначы Італіі.

Папа Францішак папрасіў пробашчаў рымскіх парафій, каб іх касцёлы былі заўсёды адчынены і каб у канфесіянале знаходзіўся святар. «Мы павінны даць людзям шанс сустрэчы з Езусам і Касцёлам», — сказаў Святы Айцец.

28 сакавіка, пасля Імшы Хрызмы, якая праходзіла ў ватыканскай базыліцы, адбылася тэлефонная размова папы Францішка з яго папярэднікам Бэнэдыктам XVI.

Пасля Імшы Вячэры Пана, якая прайшла ў Вялікі чацвер у рымскай калоніі для непаўналетніх «Casal del Marmo», папа Францішак сустрэўся з моладдзю і персаналам калоніі. Падзякаваўшы ўсім, Пантыфік адзначыў: «Я шчаслівы, што знаходжуся сярод вас».

«Нарэшце я сустрэну кагосьці, падобнага да майго бацькі», — так адрэагаваў на будучы візіт папы Францішка ў рымскую калонію для непаўналетніх «Casal del Marmo» адзін з вязняў калоніі. 28 сакавіка, у Вялікі чацвер, у 17.30 па італьянскім часе Пантыфік узначаліць там Імшу Вячэры Пана і абмые зняволеным ногі.

Раніцай 27 сакавіка папа Францішак нечакана наведаў ватыканскую базыліку. Перадсвяточную літургію там цэлебраваў для свецкіх супрацоўнікаў Ватыкана архіпрэзбітэр базылікі кардынал Анджэла Камастры.

Пасля першай агульнай аўдыенцыі папы Францішка 27 сакавіка на папскім профілі ў «Твітэры» з’явіліся два новыя запісы. «Быць пры Езусе патрабуе выхаду з саміх сябе, са змучанага і руціннага жыцця веры», — гаворыцца ў першым.

На заканчэнне агульнай аўдыенцыі 27 сакавіка папа Францішак звярнуўся да ўдзельнікаў форуму «Univ 2013», арганізаванага персанальнай прэлатурай «Opus Dei». «Праз вашу прысутнасць у вышэйшых навучальных установах кожны з вас можа рэалізаваць тое, чаго жадаў св. Хасэмарыя Эксрыва, — каб мы станавіліся святымі сярод матэрыяльных спраў свету, служачы Богу і людзям», — сказаў Пантыфік.

Падчас агульнай аўдыенцыі 27 сакавіка Святы Айцец Францішак звярнуўся з заклікам аб міры ў Цэнтральнаафрыканскай Рэспубліцы. «Я заклікаю, каб неадкладна было спынена насілле і рабаванні і каб як мага хутчэй было знойдзена палітычнае вырашэнне крызісу, якое б вярнула мір і згоду гэтай дарагой мне краіне, што ўжо на працягу доўгага часу пазначана канфліктамі і падзеламі», — сказаў Папа.

«Хто не моліцца Богу, моліцца д’яблу», — казаў Святы Айцец Францішак у сваёй першай папскай гаміліі. У Пальмовую ж нядзелю Пантыфік падкрэсліў, што вернікі не павінны слухаць д’ябла, які пераконвае, што мы бяссільныя перад несправядлівасцю і грахом. Пра тое, чаму Папа звяртае вялікую ўвагу на дзейнасць злога, паразважаў прэфект Кангрэгацыі Веравучэння арцыбіскуп Герхард Мюлер.

З 15 па 19 красавіка папа Францішак прыме першую ў сваім Пантыфікаце групу біскупаў з візітам аd limina apostolorum. Гэта будуць іерархі з рэгіёна Трывенета (Італія).

23 сакавіка, падчас сустрэчы ў Кастэль Гандольфа з Пантыфікам на пенсіі Бэнэдыктам XVI, папа Францішак перадаў свайму папярэдніку ікону Багародзіцы «Зірні на пакору». Ікону незадоўга да гэтага ўручыў Святому Айцу ад імя Патрыярха Маскоўскага і ўсяе Русі Кірыла старшыня аддзела знешніх царкоўных сувязяў Маскоўскага Патрыярхату Мітрапаліт Іларыён.

24 сакавіка на заканчэнне літургіі Пальмовай нядзелі папа Францішак звярнуўся да вернікаў з кароткім разважаннем перад малітвай «Анёл Панскі». «Будзем прасіць заступніцтва Найсвяцейшай Панны Марыі, каб суправаджала нас у Вялікі тыдзень», — сказаў Пантыфік.

Папа Францішак сустрэўся з Бэнэдыктам XVI у Кастэль Гандольфа, дзе зараз прабывае Пантыфік на пенсіі. 23 сакавіка ў 11.45 Святы Айцец пакінуў Дом св. Марты і накіраваўся ў бок ватыканскай верталётнай пляцоўкі, з якой вылецеў неўзабаве пасля поўдня ў бок летняй рэзідэнцыі Рымскіх Пантыфікаў.

23 сакавіка папа Францішак прыбыў у Кастэль Гандольфа. Разам з Рымскім Пантыфікам на пенсіі Бэнэдыктам XVI, які прывітаў яго, Святы Айцец накіраваўся ў Апостальскі палац.

Навіна аб тым, што ў Вялікі чацвер папа Францішак наведае рымскую калонію для непаўналетніх «Casal del Marmo» і падчас Імшы Вячэры Пана абмые ім ногі, выклікала вялікае здзіўленне ў зняволеных і супрацоўнікаў калоніі.

22 сакавіка папа Францішак сустрэўся з прадстаўнікамі дыпламатычнага корпусу, акрэдытаванага пры Ватыкане. Удзел у сустрэчы прыняў і пасол Беларусі Cяргей Алейнік.

20 сакавіка папа Францішак запрасіў сваіх суайчыннікаў, якія прабывалі ў гэты час у Рыме, у дом святой Марты. Аргенцінцаў было каля 50 чалавек, як свецкіх, так і духоўных асоб.