21 сакавіка Святы Айцец сустрэўся са старшынёй Папскай рады «Cor Unum» на пенсіі кардыналам Паулем Кордэсам, халдзейскім Патрыярхам Вавілоніі Луісам Сако, кс. прэлатам Карласам Нанэі з прэлатуры «Opus Dei» і аргенцінскім абаронцам правоў чалавека, Нобелеўскім лаўрэатам Пэрэсам Эсківэлем.

Папа Францішак прыняў запрашэнне Патрыярха Канстанцінопальскага Барталамея наведаць яго рэзідэнцыю ў стамбульскім квартале Фанар. Таксама было вырашана, што Пантыфік і Патрыярх сустрэнуцца ў студзені 2014 г. у Ерузалеме ў 50-годдзе гістарычнай сустрэчы Паўла VI і Патрыярха Афінагора, вынікам якой стала зняцце ўзаемных экскамунік, накладзеных падчас Вялікай схізмы ў 1054 г.

20 сакавіка перад тым, як сустрэцца з прадстаўнікамі хрысціянскіх Цэркваў і іншых рэлігій і веравызнанняў, Святы Айцец Францішак удзяліў некаторыя прыватныя аўдыенцыі. На першай з іх Папа прыняў Дзілму Русэф, Прэзідэнта Бразіліі.

20 сакавіка Святы Айцец Францішак сустрэўся са старшынёй Аддзела знешніх царкоўных сувязяў Маскоўскага Патрыярхату Мітрапалітам Іларыёнам. Сустрэча прайшла ў Дзяржсакратарыяце Ватыкана. Учора Мітрапаліт Іларыён разам з дэлегацыяй РПЦ прысутнічаў на цырымоніі інаўгурацыі Папы.

20 сакавіка папа Францішак сустрэўся з дэлегатамі хрысціянскіх Цэркваў і прадстаўнікамі іншых рэлігій і веравызнанняў, якія прыбылі ў Ватыкан на яго інаўгурацыю. Сустрэча прайшла ў Клементыйскай зале Апостальскага палаца.

19 сакавіка ў Апостальскай Сталіцы адбываецца цырымонія інаўгурацыі папы Францішка. На яе прыбыла і дэлегацыя Рускай Праваслаўнай Царквы на чале са старшынёй Аддзела знешніх царкоўных сувязяў Маскоўскага Патрыярхату Мітрапалітам Іларыёнам.

19 сакавіка, у дзень сваёй інаўгурацыі, Святы Айцец Францішак пасля ўрачыстай цырымоніі прыме ў Клементыйскай зале Апостальскага палаца дэлегацыі хрысціянскіх Цэркваў і іншых веравызнанняў. На цырымоніі інаўгурацыі прысутнічаюць 33 дэлегацыі ад розных веравызнанняў.

18 сакавіка папа Францішак сустрэўся з Прэзідэнтам Аргенціны Крыстынай Фернандэс дэ Кіршнер. Сустрэча прайшла ў Доме святой Марты ў Ватыкане.

Раніцай 18 сакавіка Святы Айцец Францішак прыняў на аўдыенцыі Дзяржаўнага сакратара Яго Святасці кардынала Тарчызіa Бэртонэ. Аб гэтым паведаміла Прэс-служба Апостальскай Сталіцы.

«Бог ніколі не змучыцца нам прабачаць. Праблема ў тым, што нас мучыць прасіць Яго аб прабачэнні», — адзначыў Святы Айцец Францішак у сваім першым разважанні перад нядзельнай малітвай «Анёл Панскі» 17 сакавіка. На плошчы Св. Пятра сабралося каля 100 тысяч вернікаў.

Святы Айцец патлумачыў, чаму абраў імя Францішак. 16 сакавіка ў Зале Паўла VI у Ватыкане Папа правёў сустрэчу з журналістамі.

У наступную суботу, 23 сакавіка, папа Францішак наведае Кастэль Гадольфа, дзе сустрэнецца з Рымскім Пантыфікам на пенсіі Бэнэдыктам XVI. Аб гэтым паінфармавала Прэс-служба Апостальскай Сталіцы, якая прадставіла таксама план іншых мерапрыемстваў з удзелам Святога Айца ў бліжэйшыя дні.

15 сакавіка адбыўся неспадзяваны выезд папы Францішка за межы Ватыкана. Пантыфік наведаў аргенцінскага кардынала Хорхе Мэйя, які знаходзіцца ў клініцы Пія ХІ у Рыме.

15 сакавіка папа Францішак сустрэўся з членамі Калегіі кардыналаў. Звяртаючыся да сабраных, Пантыфік падкрэсліў, што кардыналы з’яўляюцца братамі паміж сабой, а таксама звярнуў увагу, што актуальны перыяд мае для Касцёла вялікае значэнне.

«Я ніколі не адчуваў сябе ў адзіноце. Апошнія прамовы Бэнэдыкта XVI» — зборнік пад такой назвай, падрыхтаваны ватыканскім выдавецтвам, ужо з’явіўся на паліцах кнігарняў. У яго ўвайшлі тэксты прамоваў Папы на пенсіі за перыяд паміж 11 і 28 лютага — ад абвяшчэння рашэння аб заканчэнні Пантыфікату да пачатку sede vacante.

Папская рада па сродках масавай камунікацыі праводзіць конкурс фатаграфіі на тэму «Мой Бэнэдыкт XVI. Апавяданне пра знаёмства». Працы можна дасылаць да 15 сакавіка. Яны павінны быць адлюстраваннем асабістай сустрэчы з Бэнэдыктам XVI.

Увечары 28 лютага, прыбыўшы ў Кастэль Гандольфа, Бэнэдыкт XVI прывітаў вернікаў з акна Апостальскага палацу і звярнуўся да іх з кароткай прамовай, якая стала апошнімі словамі яго Пантыфікату.

28 лютага папа Бэнэдыкт XVI сустрэўся ў Клементыйскай зале Апостальскага палацу з кардыналамі, прысутнымі ў Рыме. Святы Айцец сардэчна развітаўся з кожным іерархам, а таксама падзякаваў кардыналу Анджэла Садана, дэкану Калегіі кардыналаў, за яго зварот.

Удзячнасць за сведчанне апостальскага служэння, поўнага адрачэнняў, выказаў Святому Айцу ад імя Калегіі кардыналаў яе дэкан кардынал Анджэла Садана. У звароце іерарха адзначаецца, што кардыналы, прысутныя ў Рыме, збіраюцца сёння вакол Пантыфіка, каб «выказаць глыбокую любоў і ўдзячнасць» за яго служэнне для дабра Хрыстовага Касцёла і ўсяго чалавецтва.

Падчас агульнай аўдыенцыі 27 лютага Бэнэдыкт XVI звярнуўся да вернікаў з прывітаннем на 11 мовах. «Дзякую вам за вашу цеплыню і любоў. Дарагія сябры, дзякую за ўсе гэтыя восем гадоў побач з вамі! Таксама дзякую за тое, што вас прыйшло так шмат на гэтую сустрэчу, за цеплыню і радасць вашай веры», — сказаў Папа.