27 лютага пасля агульнай аўдыенцыі Святы Айцец Бэнэдыкт XVI сустрэўся ў Клементыйскай зале Апостальскага палацу з дзяржаўнымі дзеячамі Славакіі, Баварыі, Сан-Марына і Андоры.

25 лютага Бэнэдыкт XVI прыняў на аўдыенцыі трох кардыналаў, членаў спецыяльнай камісіі, створанай для расследвання ўцечкі канфідэнцыйных дакументаў Апостальскай Сталіцы.

Пасля малітвы «Анёл Панскі» 24 лютага Святы Айцец Бэнэдыкт XVI на розных мовах падзякаваў вернікам за малітоўную падтрымку, якой яны суправаджалі яго Пантыфікат. Папа звярнуўся да ўдзельнікаў малітвы на плошчы Св. Пятра на французскай, англійскай, нямецкай, іспанскай, партугальскай, польскай і італьянскай мовах.

23 лютага ў Апостальскай Сталіцы завяршыліся рэкалекцыі для Папы і Рымскай Курыі, якія правёў старшыня Папскай рады па культуры кардынал Джанфранка Равазі. На  заканчэнне духоўных практыкаванняў Святы Айцец выказаў іерарху падзяку за іх правядзенне, а таксама супрацоўнікам курыі, якія неслі з Пантыфікам на працягу 8 гадоў цяжар служэння Пятра.

23 лютага Святы Айцец прыняў Прэзідэнта Італіі Джорджыо Напалітана разам з яго жонкай. Італьянскі лідар стаў апошнім палітыкам, з якім сустрэўся ў сваім Пантыфікаце Бэнэдыкт XVI.

28 лютага Святы Айцец Бэнэдыкт XVI сустрэнецца асабіста з кожным кардыналам, які будзе ў гэты час у Рыме. Як вядома, у гэты дзень Пантыфік складзе з сябе паўнамоцтвы Біскупа Рыма.

Рым рыхтуецца да прыняцця вялікай колькасці вернікаў і турыстаў у перыяд з канца лютага і да пачатку красавіка. Гэта звязана з жаданнем пілігрымаў з усяго свету ўдзельнічаць у апошніх мерапрыемствах, якія правядзе Святы Айцец Бэнэдыкт ХVI перад сыходам з Пасаду св. Пятра, а таксама з увагай да будучага канклаву і ўрачыстасці інтранізацыі новага Папы.

16 лютага Святы Айцец Бэнэдыкт XVI прыняў апошнюю ў сваім Пантыфікаце групу іерархаў, якая знаходзіцца з візітам ad limina ў Апостальскай Сталіцы, — біскупаў з Ламбардыі. Як адзначыў кардынал Анджэла Скола, які быў сярод іх, падчас сустрэчы Папа «жыва цікавіўся сітуацыяй нашых дыяцэзій».

16 лютага Святы Айцец Бэнэдыкт XVI прыняў на аўдыенцыі Прэзідэнта Гватэмалы Отта Фэрнанда Пэрэса Моліна. Гэта апошні палітык па-за межамі Італіі, з якім Папа сустрэўся падчас свайго Пантыфікату: сёння чакаецца таксама сустрэча з прэм’ерам Італіі, а 23 лютага — з Прэзідэнтам.

Святы Айцец Бэнэдыкт XVI падзякаваў ватыканскім журналістам за «восем гадоў службы». Папа выказаў падзяку прадстаўнікам Міжнароднага таварыства журналістаў (AIGAV), акрэдытаваным пры Апостальскай Сталіцы, падчас аўдыенцыі для Прэзідэнта Румыніі Траяна Бэсэску 15 лютага.

15 лютага Святы Айцец Бэнэдыкт XVI сустрэўся з прадстаўнікамі бельгійскага дабрачыннага фонду «Pro Petri Sede». Падчас сустрэчы Папа адзначыў, што міласэрнасць, калі яна рэалізуецца ў хрысціянскім духу, нясе не толькі канкрэтную дапамогу патрабуючым, але таксама любоў і дабрыню Бога.

15 лютага Святы Айцец Бэнэдыкт XVI прыняў на аўдыенцыі Прэзідэнта Румыніі Траяна Бэсэску. У ходзе перамоваў былі абмеркаваны адносіны паміж Румыніяй і Апостальскай Сталіцай.

14 лютага Святы Айцец Бэнэдыкт XVI сустрэўся з духавенствам дыяцэзіі Рыма. Пантыфік заклікаў святароў да вернай рэалізацыі пастановаў Другога Ватыканскага Сабору і запэўніў у сваёй малітве.

У бліжэйшыя дні ў раскладзе Святога Айца Бэнэдыкта XVI не адбудзецца сур’ёзных зменаў. У апошні дзень свайго Пантыфікату Папа сустрэнецца з членамі Калегіі кардыналаў. Аб гэтым паінфармаваў старшыня Прэс-службы Апостальскай Сталіцы кс. Фэдэрыка Ламбардзі.

На пачатку агульнай аўдыенцыі 13 лютага Святы Айцец Бэнэдыкт XVI нагадаў вернікам аб сваім рашэнні скласці з сябе паўнамоцтвы Наступніка святога Пятра. Пантыфік папрасіў аб малітве за сябе, за будучага Папу і за Касцёл.

Напрыканцы малітвы «Анёл Панскі» 10 лютага Святы Айцец Бэнэдыкт XVI павіншаваў народы Далёкага Усходу з Новым годам, які яны адзначаюць сёння па лунным календары. «Мір, згода і падзяка Небу — паўсюдныя каштоўнасці, якія святкуюцца з гэтай радаснай нагоды», — сказаў Папа.

«Ваш Ордэн з самага пачатку адрозніваўся вернасцю Касцёлу і Наступніку св. Пятра, а таксама істотнаю духоўнаю ідэнтычнасцю, якая адпавядае высокім рэлігійным ідэалам», — з такімі словамі Святы Айцец Бэнэдыкт ХVI звярнуўся да прадстаўнікоў Суверэннага Мальтыйскага Ордэна, якія прыбылі 9 лютага ў Ватыкан, каб сустрэцца з Папам.

8 лютага Святы Айцец Бэнэдыкт ХVI сустрэўся з выкладчыкамі і навучэнцамі Папскай вышэйшай духоўнай семінарыі з нагоды свята Маці Божай Даверу, апякункі гэтай установы. Звяртаючыся да прысутных, Папа паразважаў аб сутнасці быць «абраным, пакліканым Богам».

7 лютага Святы Айцец Бэнэдыкт XVI сустрэўся з удзельнікамі пленарнага пасяджэння Папскай рады па культуры на тэму «Новыя моладзевыя культуры», якое 6–9 лютага праходзіць у Апостальскай Сталіцы. У прамове Папа звярнуў увагу на шэраг праблем, з якімі сустракаецца сучасная моладзь.

Падчас агульнай аўдыенцыі 6 лютага Святы Айцец скіраваў словы прывітання да прадстаўнікоў урадавай дэлегацыі з Казахстана, Атлантычнага клуба з Балгарыі, біскупаў, якія ўдзельнічаюць у сімпозіуме, арганізаваным супольнасцю св. Ідзія, і Ордэна Меншых Братоў Канвентуальных, 200-ы Генеральны Капітул якога праходзіць у гэтыя дні.