Пешая пілігрымка з Баранавіч у Будслаў вырушыць ужо 24 раз. Працягвацца
яна будзе дзевяць дзён — з 22 па 30 чэрвеня. 1 ліпеня — удзел у галоўных
урачыстасцях у Будславе.
Для ўдзелу ў пілігрымцы неабходна:
не пазней за 10 чэрвеня паведаміць пробашчу альбо вікарыю сваёй парафіі аб жаданні прыняць удзел
зарэгістравацца (праз інтэрнэт або пазваніўшы арганізатарам)
добры настрой і сябар (або сяброўка)
ружанец, малітоўнік, Біблія
медыкаменты (уласная аптэчка), а таксама эластычны бінт, крэм з УФ фільтрамі
нешкляны посуд (лыжка, кружка, талерка)
заплечнік з рэчамі на адзін дзень шляху
галаўны ўбор, дажджавік
рэчы і зменны абутак на 9 дзён
спальнік, турыстычны дыванок і палатка
грошы на вяртанне дадому
пілігрымам ва ўзросце да 18 гадоў мець пісьмовы дазвол ад бацькоў, а таксама быць з апекуном (апякун можа несці адказнасць не больш чым за 10 чалавек)
для тых, хто не мае 14 гадоў, удзел у пілігрымцы ТОЛЬКІ З БАЦЬКАМІ!
Ахвяраванне за пілігрымку — 30 бел. рублёў з Баранавіч, 20 бел. рублёў з Івянца (арганізатары паведамляюць, што адсутнасць магчымасці скласці ахвяраванне не з’яўляецца перашкодай ісці ў гэтай пілігрымцы).
Арганізатары забяспечваюць пілігрыма, які зарэгістраваўся: харчаваннем, начлегам, суправаджэннем, перавозам рэчаў, медыцынскай апекай, а таксама камплектам пілігрыма (спеўнік, хустка, бэйдж, майка з эмблемай і пашпартам пілігрыма).
Забараняецца:
амаральныя паводзіны (распіццё алкагольных напояў, паленне у дарозе, крыўджанне бліжняга, выкарыстанне ненарматыўнай лексікі)
адмаўленне ў дапамозе арганізатарам альбо бліжняму
карыстацца мабільным тэлефонам падчас малітваў, канферэнцыі і спеваў
пакідаць пілігрымку без дазволу арганізатараў.
За невыкананне правілаў пілігрымкі ўдзельнік адпраўляецца дадому.
Кантактны тэлефон: +375 (29) 709-00-93 кс. Павел Суполка УКантакце: https://vk.com/club54073674