У межах тыдня малітваў аб пакліканнях да святарскага і законнага служэння ў інтэрв’ю для Catholic.by біскуп Пінскі Антоні Дзям’янка ўзгадвае пра сваю святарскую фармацыю. Прэзбітэрскае пасвячэнне біскуп Дзям'янка атрымаў у 1980 годзе. У той атэістычны час юнаку не дазволілі паступіць у семінарыю, таму святарскую фармацыю будучы біскуп праходзіў падпольна.

Традыцыйна IV Велікодная нядзеля адзначаецца ў Касцёле як нядзеля Добрага Пастыра. Гэтым днём распачынаецца Тыдзень малітваў аб пакліканнях да служэння ў Касцёле, каб ва ўсім свеце не адчувалася недахопу ў паліканнях да святарства, кансэкраванага жыцця і місіянерства.

З 1 чэрвеня па 28 жніўня ў Беларусі адбудзецца перэгрынацыя рэліквій св. Тэрэзы ад Дзіцятка Езус. У апошнія гады перэгрынацыя рэліквій святой прайшла ў суседніх краінах Беларусі: ва Украіне, Польшчы, Літве, Эстоніі, Расіі. Святая ў сваіх парэштках пабывала ўжо ў многіх краінах свету. Беларусь стане 76-й краінай свету, якая прыме рэліквіі св. Тэрэзы ад Дзіцятка Езус.

Сёлета адзначаецца 400-годдзе з’яўлення цудатворнага абраза Маці Божай у Будславе. Юбілею папярэднічала трохгадовая духоўная падрыхтоўка, у якой прыняла ўдзел уся каталіцкая супольнасць Беларусі.

Сёлета ў Каталіцкім Касцёле ўрачыстасць Звеставання Пана будзе адзначацца 8 красавіка, а не як традыцыйна 25 сакавіка. Перанос звязаны з тым, што ў гэтым годзе 25 сакавіка прыпадае на Вялікі тыдзень. У дадзеным выпадку свята пераносіцца на панядзелак пасля актавы Вялікадня.

Нядаўна валанцёры каталіцкага дабрачыннага таварыства «Карытас» Віцебскай дыяцэзіі пабывалі ў гасцях у Сяргея Данчанкі. Сяргею 34 гады, ён інвалід І групы, пакутуе на дзіцячы цэлебральны параліч, жыве разам з маці ў шматпавярховым доме. Перамяшчаецца Сяргей выключна ў інваліднай калясцы і большую частку жыцця праводзіць сярод кватэрных сценаў.

У інтэрв'ю для Catholic.by Мітрапаліт Тадэвуш Кандрусевіч узгадвае пра сваё знаёмства з новаабраным Пантыфікам, разважае пра духоўную спадчыну папярэднікаў папы Францішка і дзеліцца сваімі чаканнямі ад узаемаадносін Ватыкана і Касцёла ў Беларусі.

Перажыванні, якія звязаны з разважаннем аб муках і крыжовай смерці Езуса, неад’емныя ў час Вялікага посту. Ідзеш упрыцемку касцёла, у натоўпе, услед за крыжам. Спыняешся ля стацый, слухаеш падрыхтаваныя кімсьці разважанні. Пачутае халодзіць душу і нясе сум. Здаецца, толькі ад запаленых свечак сыходзіць цяпло. Аднак не… Цяплом агортвае ахвярная любоў Хрыста, вера ў Яго бязмежную міласэрнасць.

Дзесяць гадоў журналіст Віктар Хруль працаваў прэс-сакратаром Мітрапаліта Тадэвуша Кандрусевіча. Сёння Віктар Хруль — рэлігійны карэспандэнт «РИА Новости», а таксама выкладчык на журфаку МДУ ў Маскве. У інтэрв’ю для Сatholic.by журналіст узгадвае сваю працу з мітрапалітам і разважае над спецыфікай супрацоўніцтва з журналістамі свецкіх СМІ.

11 лютага Святы Айцец абвясціў аб рашэнні скласці з сябе паўнамоцтвы Наступніка св. Пятра. Пра адметнасці і каштоўнасць Пантыфікату Бэнэдыкта XVI, дасягненні, якія адбыліся ў гэты час, пра рысы Папы як асобы мы запыталіся ў Апостальскага Нунцыя ў Беларусі арцыбіскупа Клаўдыё Гуджэроцці.

У гэтыя дні ва ўсім каталіцкім свеце адзначаецца Тыдзень цвярозасці. У Беларусі ён прыпадае на 13–24 лютага. У яго межах адбываюцца адмысловыя набажэнствы, праводзяцца розныя мерапрыемствы для залежных ад алкаголю, а таксама для сузалежных.

14 лютага Каталіцкі Касцёл адзначае ўспамін святых Кірыла і Мятода. Пра жыццё гэтых асоб і іх ролю ў развіцці славянскай пісьменнасці глядзіце ў перадачы «Размовы са святаром».

Святы Ірыней (памёр каля 202 г.) піша, што ў ягоны час звычай пасціць існаваў у Галіі: у гонар 40-дзённага посту Пана Езуса Хрыста быў наказаны 40-гадзінны пост (гэта значыць, што ён быў абавязковы ў Вялікую пятніцу і Вялікую суботу). У ІІІ ст. пост працягваецца ўжо цэлы тыдзень.