«Ёсць рэчы, якія нельга купіць за грошы. Такою з’яўляецца любоў, якую ты аддаеш і атрымліваеш, служачы іншым», — сцвердзіў генеральны сакратар «Caritas Europa» Хорхе Нуньё Маер, акрэсліваючы сэнс валанцёрскага служэння ў інтэрв’ю для Catholic.by.
Шмат рухаў і супольнасцяў дзейнічаюць у Касцёле ў Беларусі. Аднак не вядомая яшчэ нашым землям справа Кольпінга. Пра гісторыю і мэты дадзенай арганізацыі свецкіх, а таксама магчымасць яе заснавання ў беларускіх парафіях чытайце ў інтэрв’ю са старшынёй Цэнтральнага саюза справы Кольпінга ў Польшчы кс. Зэнанам Мышкам.
24 студзеня Каталіцкі Касцёл адзначае ўспамін св. Францішка Сальскага, біскупа і доктара Касцёла. У 1923 г. гэты святы быў абвешчаны апекуном каталіцкай прэсы.
У Мёрах у свята Божага Нараджэння, 25 снежня 2011 г., навучэнец Міждыяцэзіяльнай вышэйшай духоўнай семінарыі ў Пінску Антон Лагунёнак прыняў дыяканскае пасвячэнне. Пра тое, якім вялікім дарам і няпростым выбарам з’яўляецца пакліканне да святарства, слухайце ў інтэрв’ю з дыяканам, яго маці Аннай і сястрою Аннай-Марыяй.
У трэці тыдзень Адвэнту, з 13 па 16 снежня 2011 года для вас, шаноўныя наведвальнікі, на нашым партале праходзяць МР3-рэкалекцыі. Праводзіць іх дырэктар нашага партала кс. Юрый Марціновіч.
У ІІ Нядзелю Адвэнту, 4 снежня, у Беларусі, Украіне і Расіі адзначаецца Дзень удзячнасці тым, хто дапамагае ў адраджэнні Касцёлу на Усходзе. Менавіта ў гэты дзень у Польшчы праходзіць Дзень малітваў і матэрыяльнай дапамогі Касцёлу на Усходзе.
«Звяртаюся да Прэзідэнта Рэспублікі Беларусь Аляксандра Рыгоравіча Лукашэнкі і заканадаўчай улады ўвесці мараторый на смяротнае пакаранне, каб затым зусім яго адмяніць», — адзначыў Мітрапаліт Тадэвуш Кандрусевіч у інтэрв’ю для Catholic.by, кажучы пра апошнія падзеі ў беларускім грамадстве — смяротны прысуд, вынесены Уладзіславу Кавалёву і Дзмітрыю Канавалаву.
Снежань 2001-га… Зарэгістраваны дамен Сatholic.by, 22 снежня на сэрвер заліты першы файл. Менавіта гэтую дату можна лічыць днём нараджэння нашага партала.
1 снежня адзначаецца Сусветны дзень барацьбы са СНІДам. На сённяшні дзень у Беларусі налічваецца звыш 9 тысяч ВІЧ-інфіцыраваных.
Што такое Эўхарыстычны рух маладых, якая яго гісторыя і мэты, хто можа ў яго ўступіць, — аб гэтым чытайце ў інтэрв’ю з нацыянальным мадэратарам Эўхарыстычнага руху маладых ад імя Кангрэгацыі Сясцёр Уршулянак с. Датунай Пусты USJK (Польшча).
22 лістапада касцёльныя музыканты і спевакі адзначаюць успамін святой Цэцыліі. Паданне кажа, што дзяўчына праслаўляла Бога спевам і ігрою на музычных інструментах, а таму лічыцца апякункай касцёльнай музыкі і спеваў.
У апошнюю нядзелю літургічнага года Касцёл адзначае ўрачыстасць Пана Нашага Езуса Хрыста, Валадара Сусвету. Сёлета яна прыпадае на 20 лістапада.
На 20 лістапада сёлета прыпаў Сусветны дзень памяці ахвяраў дарожных здарэнняў, які з’яўляецца нагодай, каб ушанаваць памяць загінуўшых у выніку ДТЗ, а таксама каб нагадаць дзяржавам пра неабходнасць забеспячэння бяспекі дарожнага руху.
«Канферэнцыя, у якой я прымаў удзел, была вельмі ўдалай. Было прыемна бачыць, як хрысціянскія Цэрквы адкрываюцца адна перад адной. І вельмі важна, што людзі з іншых краін змаглі больш даведацца пра Беларусь», — падзяліўся сваімі ўражаннямі прыёр экуменічнай супольнасці з Тэзэ брат Алоіз Лазэр пасля ўдзелу ў канферэнцыі па каталіцка-праваслаўным дыялогу.
Сусветны дзень філасофіі адзначаецца з 2002 года ў трэці чацвер лістапада. Сёлета гэты дзень выпаў на 17 лістапада.