У праграму візіта
ad limina традыцыйна ўваходзіць наведванне чатырох вялікіх рымскіх базылік. 13
снежня 2009 г. біскупы з Беларусі наведалі базыліку святой Марыі Вялікай, якая стала
другой пасля базылікі святога Пятра.
Святую Імшу ў
капліцы Крыжа ўзначаліў біскуп Віцебскі Уладзіслаў Блін. Ва ўступным слове ён
заклікаў прысутных да гарачай малітвы за Касцёл у Беларусі, яго вернікаў і
святароў.
У святой Імшы ўзялі ўдзел усе каталіцкія іерархі Беларусі, святары і
вернікі з Беларусі, якія знаходзяцца зараз у Вечным горадзе.