Зусім хутка вернікі Беларусі будуць святкаваць урачыстасці ў Будславе і Тракелях, а гэта значыць, што распачынаецца пара пешых пілігрымак. Таму найбольш актуальным пытаннем, асабліва на гэтым тыдні, з’яўляецца спіс абавязковых рэчаў для пілігрыма. Яго вам і прапануем.

Нагадаем, што перад пачаткам пілігрымак у парафіях праходзяць арганізацыйныя сустрэчы, на якіх і паведамляецца спіс патрэбных рэчаў, а ён можа вагацца ў залежнасці ад арганізацыі пілігрымкі (ёсць палявая кухня ці не, ад месцаў начлегу і інш.).

Ва ўсялякім выпадку пажадана, каб кожны ўдзельнік пешай пілігрымкі меў пры сабе:

• зручны абутак
• цёплыя рэчы
• сродкі асабістай гігіены ( у тым ліку крэм ад сонца, вільготныя сурвэткі)
  
• дажджавік
• галаўны ўбор
• кубак, талерку (глыбокую), лыжку, відэлец, нож (залежыць ад таго, ці наладжана палявая кухня ці не)
• што-небудзь пад’есці, невялікую бутэльку пітной вады
• лекі, асабліва тыя, якія прымаеце асабіста, пластыр
• малітоўнік, спеўнік
• ружанец
• палатку (калі ёсць у гэтым патрэба)
• карымат
• спальнік
• невялічкі заплечнік (куды пакласці рэчы, патрэбныя на кожны дзень).
  

А яшчэ вопытныя пілігрымы раюць браць з сабой маленькія падаруначкі гаспадарам на начлегах. Будзьце ўдзячнымі і гасціннымі і добрага вам шляху!

Ну і не забудзьце пра добры настрой і ўсмешку!

Раім таксама пачытаць артыкул кс. Андрэя Рылкі «Вытокі пілігрымак і санктуарыяў» і паглядзець сюжэты пра пешыя пілігрымкі мінулага года ў Будслаў.