Працягваецца цыкл тэлепередач «Каталіцкія святыні Беларусі» — праект тэлеканала «Беларусь-1». На гэты раз вядучы кс. Юрый Санько запрашае ў Нясвіж, каб пазнаёміцца з помнікам ранняга барока — касцёлам Божага Цела.
Папярэднія перадачы цыкла глядзіце на нашым сайце ў раздзеле «Відэа».
Камень на будаўніцтва езуіцкага касцёла ў Нясвіжы быў асвячоны ў 1589 г. біскупам Віленскім Юрыем Радзівілам, родным братам Радзівіла Сіроткі, які быў ініцыятарам пабудовы. Асвяціў жа касцёл Папскі Нунцый Клаўдыё Рангоні 7 кастрычніка 1601 г.Славіцца святыня і сямейнай усыпальніцай, трэцяй па велічыні ў Еўропе. Тут знаходзяцца 69 саркафагаў. Першым быў пахаваны Радзівіл Сіротка ў 1616 г., апошняе пахаванне адбылося ў 1936 г. У 2000 г. з Лондана была дастаўлена урна з прахам Антонія Мікалая Радзівіла.
Гісторыя святыні цікавая, гераічная, а часам і трагічная. Але на працягу чатырох стагоддзяў касцёл у Нясвіжы ніколі не зачыняўся, і цела Хрыста заўсёды прабывала ў святыні.
(SZh)