Перад намі чарговы Тыдзень малітваў за адзінства хрысціянаў. Пад кіраўніцтвам Духа Святога мы збяромся ў месцах малітвы, каб разам з іншымі братамі-хрысціянамі ізноў узнесці маленне, каб усе вучні Збаўцы былі адно.
Сёлета будзем разважаць над тэкстамі, якія падрыхтавалі хрысціяне з Індыі. На аснове тэкстаў набажэнства мы будзем шукаць адказ на правакуючае пытанне прарока Міхея: “Чаго ад нас чакае Бог” (пар. Міх 6, 6-8). Будзем шукаць гэты адказ у кантэксце Года веры, які зараз перажывае паўсюдны Касцёл. Уважлівае слуханне таго, “што прамаўляе Дух да Касцёлаў”, павінна нам у гэтым дапамагчы.
Запрашаем да ўдзелу ў экуменічных набажэнствах у Мінску і Гродне.
Падрыхтавала Валянціна Грамыка