Першы рэспубліканскі конкурс юных пчаляроў 26 красавіка распачаўся ў Смілавіцкім аграрным каледжы. Арганізатар конкурса -- Саюз беларускіх пчаляроў. Сярод членаў журы -- пробашч парафіі ссв. Сымона і Алены кс. Уладзіслаў Завальнюк, душпастыр пчаляроў у Беларусі.Конкурс назаве трох пераможцаў, якія прымуць удзел у Міжнародным конкурсе юных пчаляроў, што пройдзе ў Польшчы.
У конкурсе юных пчаляроў Беларусі прымаюць удзел падлеткі ад 12 да 16 гадоў. Спаборніцтва ўключае наступныя туры:
- Практычная праца з пчоламі (з сапраўднай пчалінай сям'ёй)
- Мікраскапія
- Распазнаванне інструментарыя пчаляроў
- Распазнанне раслін, якія маюць дачыненне да пчалярства
- Акадэмічныя веды ў пчалярскай справе
Бортніцкая справа для Беларусі не новая. Пчала асацыявалася і асацыявацца ў беларуса не толькі з руплівасцю і працавітасцю, але і з боскасцю, святасцю. Касцёл з пашанай ставіцца да пчалярства і яго развіцця ў Беларусі: заахвочванне падлеткаў і моладзі да пчалярства спрыяе ў пэўным сэнсе не толькі пашырэнню іх ведаў, але разам з тым і духоўнаму развіццю.
Не першы год дзейнічае ў Беларусі адмысловае душпастэрства пчаляроў, якім кіруе кс. Уладзіслаў Завальнюк.
(AYU)