Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пасол Беларусі пры Святым Пасадзе правёў шэраг сустрэч у Ватыкане
Беларусь
16.01.2017 12:22

Надзвычайны і Паўнамоцны Пасол Рэспублікі Беларусь пры Святым Пасадзе знаходзіўся на гэтым тыдні з візітам у Ватыкане.

Сяргей Алейнік прыняў удзел у аўдыенцыі, якую Папа даў у Ватыкане для дыпламатычнага корпуса, акрэдытаванага пры Апостальскай Сталіцы. Падчас яе адбылася кароткая размова беларускага пасла з Пантыфікам, паведамляецца на сайце МЗС Беларусі.

У рамках паездкі, якая працягвалася з 9 па 12 студзеня, спадар Алейнік сустрэўся з Дзяржсакратаром кардыналам П'етро Паралінам і сакратаром па справах Святога Пасаду з дзяржавамі арцыбіскупам Полам Рычардам Галахерам.

Былі абмеркаваны актуальныя пытанні двухбаковага супрацоўніцтва, уключаючы ход рэалізацыі дамоўленасцяў, дасягнутых падчас афіцыйнага візіта Прэзідэнта Беларусі ў Ватыкан у маі 2016 г.

Пасол Беларусі пры Святым Пасадзе таксама правёў сустрэчы з дырэктарам Ватыканскіх музеяў Барбарай Ята і прэфектам Ватыканскай апостальскай бібліятэкі Чэзарэ Пасіні, у рамках якіх былі разгледжаны крокі па далейшым развіцці ўзаемадзеяння ў галіне культуры.

Беларуская рэдакцыя Ватыканскага радыё

 

Пры выкарыстанні матэрыялаў сайта спасылка на Catholic.By абавязкова.