Як адзначаецца ў апублікаваным 24 сакавіка палажэнні аб парадку арганізацыі конкурсу эскізных праектаў памятнага знака «Курапаты», у конкурсе могуць прымаць удзел скульптары і архітэктары з адпаведнай адукацыяй.

Фота Аляксандры Шчыглінскай

Крытэрыі работ

У дакуменце заўважаецца, што памятны знак павінен быць прысвечаны трагічным падзеям, якія адбываліся ў Курапатах і «адлюстроўваць ідэю увекавечання памяці ўсіх бязвінна загінулых ахвяр XX cтагоддзя ў гісторыі Беларусі».
Заяўка на конкурс эскізаў павінна ўтрымліваць наступныя матэрыялы:

• Матэрыялы павінны быць прадстаўлены на цвёрдым планшэце памерам 1,0 х 1,0 м
• Сціслая тлумачальная запіска з абгрунтаваннем прапануемага праекта
• Разлік прыкладнага кошту праекта
• Генеральны план у маштабе 1:500
• Праектнае горадабудаўнічае рашэнне прасторы ва ўрочышчы «Курапаты» з памятным знакам
• Візуалізацыя архітэктурна-пластычнага рашэння твора манументальнага мастацтва
• Мадэль памятнага знака ў маштабе не менш за 1:10
  

У аснове мастацка вобразнага рашэння памятнага знака мемарыяла павінен быць вобраз капліцы як сімвала агульнанацыянальнай памяці і прымірэння.

Таксама па тэме:

• Зварот арцыбіскупа Тадэвуша Кандрусевіча ў сувязі з сітуацыяй у Курапатах 
  

Тэрмін падачы заявак па 26 красавіка 2017 года ўключна.

Падрабязнасці — на сайце міністэрства.(IL)