Квасоўка: творчая вечарына ў гонар Яна Паўла ІІ | Друк |
Беларусь - Гродзенская дыяцэзія
03.05.2011 12:25

Творчая вечарына ў гонар Яна Паўла ІІ прайшла 1 мая 2011 г. у Квасоўцы (Гродзенская дыяцэзія). Як вядома, менавіта ў гэты дзень Вялікі папа быў аб’яўлены благаслаўлёным.

Вернікі сабраліся на святую Імшу, каб падзякаваць Богу за вялікага Пантыфіка і яго беатыфікацыю. У гэтай жа інтэнцыі вернікі спявалі Вяночак да Божай Міласэрнасіці і маліліся таямніцу святла Ружанца.

Пасля абеду жыхароў мястэчка чакала культурная праграма ў Доме культуры. Тут прайшла вечарына пад назвай «Абба, Ойча».

Канцэрт складаўся з выступлення парафіяльных гуртоў «Іскрынка», «Dies Domini», «Soli Deo», «MAJ», прэзентацый аб жыцці і дзейнасці Яна Паўла ІІ, а таксама тэатральнай інсцэніроўкі, напісанай пробашчам парафіі кс. Янам Занеўскім.

 
© 2003-2020 Catholic.by