Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Мітрапаліт Тадэвуш Кандрусевіч: просьба біскупа Уладзіслава Бліна аб адстаўцы выклікана хваробай іерарха
Іерархі
26.02.2013 17:34

«Просьба біскупа Уладзіслава Бліна аб адстаўцы выклікана хваробай іерарха. Сёння ён знаходзіцца ў шпіталі ў Злучаных Штатах Амерыкі», — адзначыў у гутарцы з карэспандэнтам Catholic.by арцыбіскуп Мінска-Магілёўскі Мітрапаліт Тадэвуш Кандрусевіч.

Арцыбіскуп адзначыў, што рашэнне біскупа Уладзіслава Бліна стала для яго нечаканасцю. Мітрапаліту яшчэ не ўдалося асабіста пагутарыць з біскупам, аднак арцыпастыр упэўнены, што такое рашэнне біскупу Віцебскаму далося няпроста:

«Гэта было мужнае рашэнне. Ён зрабіў вельмі шмат, быў першым біскупам у Віцебскай дыяцэзіі. Аднак для кіраўніцтва дыяцэзіяй патрэбна шмат сіл: як духоўных, так і фізічных. Таму яго ўчынак аб адстаўцы можна зразумець».

Як патлумачыў арцыбіскуп Кандрусевіч, біскуп Уладзіслаў Блін хоць і склаў з сябе пастырскія паўнамоцтвы дзеючага біскупа, тым не менш застаецца біскупам Віцебскай дыяцэзіі на пенсіі.

На пытанне Catholic.by пра далейшы ўдзел біскупа Уладзіслава Бліна ў пасяджэннях Канферэнцыі Каталіцкіх Біскупаў у Беларусі, дзе біскуп займаўся пытаннямі душпастырства, Мітрапаліт адзначыў, што ў працы Канферэнцыі біскуп Віцебскі на пенсіі можа ўдзельнічаць як кансультант і дарадца. Віцебскую ж дыяцэзію часова будзе прадстаўляць Апостальскі адміністратар кс. прэлат Францішак Кісель.

«Калі я наведваю часам Канферэнцыі Біскупаў у іншых краінах, то заўважаю, што біскупы на пенсіі там таксама ўдзельнічаюць у пасяджэннях, аднак яны не галасуюць. Што датычыць Беларусі, то ў нас гэта прэцэндэнт, але мяркую, што і ў нас можа быць нешта падобнае. Я думаю, што нават сышоўшы са сваёй пасады, біскуп Блін яшчэ многае можа зрабіць для Касцёла ў Беларусі».

Каментуючы сённяшнюю сітуацыю вакол адстаўкі Пантыфіка і ардынарыя Віцебскай дыяцэзіі, Мітрапаліт адзначыў:

«Мы ведаем, што Касцёлам кіруе Святы Дух, таму трэба даверыцца Яму. Як казаў благаслаўлёны Ян Павел ІІ, у Сікстынскай капэле Святы Дух укажа на новага Біскупа Рыма. У сваю чаргу Біскуп Рыма ў патрэбны час прызначыць біскупа Віцебскага. Трэба маліцца і за Папу, і за біскупа Уладзіслава, бо і адзін, і другі працавалі ў часы няпростых выклікаў і чынілі ўсё, каб на гэтыя выклікі адказаць, ведучы Касцёл шляхам збаўлення».

(JLS)



 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Іерархі

01.07 10:47Біскуп Антоні Дзям’янка ў Будславе: «Не варта рабіць з Марыі “краму” для спаўнення жаданняў»
28.06 12:22Паведамленне біскупа Пінскага Антонія Дзям’янкі з нагоды благаслаўлення вуглавога каменя пад новы касцёл Насвяцейшага Сэрца Езуса ў Брэсце
24.06 20:47Беларуская дэлегацыя прыняла ўдзел у біскупскім пасвячэнні кс. Віталія Крывіцкага SDB
19.06 09:58Фотафакт. Апостальскі Нунцый Габар Пінтэр наведаў парафію ў Асіповічах
16.06 11:43Мітрапаліт Кандрусевіч прыняў удзел у міжнародным форуме на тэму барацьбы з карупцыяй
12.06 12:30Паведамленне біскупа Пінскага Антонія Дзям’янкі з нагоды святкавання 400-годдзя асвячэння касцёла ў Ружанах
12.06 08:55Заклік біскупа Аляксандра Яшэўскага да вернікаў Магілёўскага рэгіёна да ўдзелу ў працэсіі Божага Цела
10.06 00:04Адкрыты ліст Мітрапаліта Тадэвуша Кандрусевіча лаўрэату Нобелеўскай прэміі спадарыні Святлане Алексіевіч
24.05 12:27Мітрапаліт Кандрусевіч прымае ўдзел у пасяджэнні італьянскага епіскапату
16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію