Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Мітрапаліт Кандрусевіч: Беларусі патрэбен закон аб рэстытуцыі
Іерархі
02.05.2017 14:34

Мітрапаліт Мінска-Магілёўскі арцыбіскуп Тадэвуш Кандрусевіч, выступаючы 2 мая ў Акадэміі кіравання пры Прэзідэнце РБ з дакладам пра ўзаемадзеянне Касцёла і дзяржавы, закрануў праблему вяртання Касцёлу забраных у савецкі час сакральных будынкаў.

На прыкладзе магілёўскай катэдры, якая да сёння не перададзена парафіі і за якую мясцовая ўлада патрабуе плаціць арэнду, іерарх паказаў усю недарэчнасць сітуацыі, калі Касцёл вымушаюць плаціць за будынак, які першапачаткова яму і належаў.

Як адзначыў Мітрапаліт, для вырашэння падобных праблем сёння ў Беларусі патрэбен закон аб рэстытуцыі, падобна законам, якія былі прыняты ў Літве, Латвіі і Расіі.

«Пасля трох пакаленняў савецкага ліхалецця ў Беларусі засталося вельмі мала гістарычных культавых будынкаў, якія раней належалі рэлігійным арганізацыям, — адзначыў іерарх. — Гэта наша нацыянальная каштоўнасць і спадчына, менавіта таму павінна быць створана дзяржаўная праграма па іх аднаўленні».

Арцыбіскуп падкрэсліў, што менавіта сакральныя будынкі, «а не часамі архітэктурна безгустоўныя навабуды», будуць наведваць турысты і пілігрымы.

Іерарх звярнуў увагу, што да сёння ў Беларусі не прапісаны асобныя нормы для будаўніцтва касцёлаў, а тэрмін іх будаўніцтва па-ранейшаму вызначаецца нормамі для ...клубаў і дамоў культуры.

«Касцёлы будуюцца за ахвяраванні вернікаў, а не за дзяржаўныя сродкі, як у выпадку з дамамі культуры, — заўважыў іерарх. — Атрымліваецца, што паводле гэтых нормаў касцёл павінен будавацца за год, а то і менш. Як гэта магчыма?»

(IL)

 

Пры выкарыстанні матэрыялаў сайта спасылка на Catholic.By абавязкова.

Іерархі

01.07 10:47Біскуп Антоні Дзям’янка ў Будславе: «Не варта рабіць з Марыі “краму” для спаўнення жаданняў»
28.06 12:22Паведамленне біскупа Пінскага Антонія Дзям’янкі з нагоды благаслаўлення вуглавога каменя пад новы касцёл Насвяцейшага Сэрца Езуса ў Брэсце
24.06 20:47Беларуская дэлегацыя прыняла ўдзел у біскупскім пасвячэнні кс. Віталія Крывіцкага SDB
19.06 09:58Фотафакт. Апостальскі Нунцый Габар Пінтэр наведаў парафію ў Асіповічах
16.06 11:43Мітрапаліт Кандрусевіч прыняў удзел у міжнародным форуме на тэму барацьбы з карупцыяй
12.06 12:30Паведамленне біскупа Пінскага Антонія Дзям’янкі з нагоды святкавання 400-годдзя асвячэння касцёла ў Ружанах
12.06 08:55Заклік біскупа Аляксандра Яшэўскага да вернікаў Магілёўскага рэгіёна да ўдзелу ў працэсіі Божага Цела
10.06 00:04Адкрыты ліст Мітрапаліта Тадэвуша Кандрусевіча лаўрэату Нобелеўскай прэміі спадарыні Святлане Алексіевіч
24.05 12:27Мітрапаліт Кандрусевіч прымае ўдзел у пасяджэнні італьянскага епіскапату
16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію