Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каталіцкае выдавецтва «Про Хрысто» прымае ўдзел у міжнароднай выставе ў Польшчы
Беларусь - Мінска-Магілёўская архідыяцэзія
31.03.2017 14:28

30 сакавіка ў Варшаве ў Арках Кубіцкага пры Каралеўскім замку адбылося адкрыццё XXIII выставы-кірмашу каталіцкіх выдаўцоў, у якой прымае ўдзел і беларускае выдавецтва Мінска-Магілёўскай архідыяцэзіі «Про Хрысто».

Галоўныя тэмы сёлетняй выставы — «Ідзіце і абвяшчайце», 100-годдзе аб’яўленняў Маці Божай у Фаціме, 300-годдзе каранацыі абраза Маці Божай Чэнстахоўскай... У выставе прымаюць удзел каля 150-ці выдавецтваў.

У адкрыцці выдавецкага фэсту прынялі ўдзел былы прэфект Кангрэгацыі каталіцкай адукацыі Апостальскай Сталіцы кардынал Зянон Грахалеўскі, мітрапаліт Варшаўскі кардынал Казімір Ныч, генеральны сакратар епіскапату Польшчы біскуп Артур Мізіньскі, а таксама прадстаўнікі польскага Сенату і Міністэрства культуры.

Кардынал Грахалеўскі, які 16 гадоў узначальваў Кангрэгацыю каталіцкай адукацыі, у сваім выступленні падкрэсліў вялікае і неацэннае значэнне каталіцкай друкаванай кнігі ў фармаванні і выхаванні маладога пакалення. Іерарх звярнуў увагу на важнасць і адпаведнасць выбару чытачом літаратуры і сказаў, што «толькі добрая кніга становіцца сябрам чалавека. І таму каталіцкія выдавецтвы павінны друкаваць такія кнігі, якія могуць стаць нашымі сябрамі… Сённяшняя кніга стварае будучыню», — падкрэсліў кардынал.

На адкрыцці выставы былі названыя лаўрэаты ўзнагароды Таварыства каталіцкіх выдаўцоў «Фенікс 2017».

Выстава-кірмаш працягне сваю працу да 2 красавіка.

Паводле ave-maria.by
(VGr)

 

Пры выкарыстанні матэрыялаў сайта спасылка на Catholic.By абавязкова.