Ікона Хрыста з часціцай Цярновай кароны была дастаўлена ў Мінск 21 лютага па благаслаўленні Патрыярха Маскоўскага і ўсяе Русі Кірыла.
Рэліквія прыбыла ў беларускую сталіцу напярэдадні распачацця Вялікага посту ў праваслаўных вернікаў. Цалкам Цярновая карона доўгі час захоўвалася ў Канстанцінопалі, адкуль у пачатку ХІІІ ст. была перавезена ў Еўропу. Сёння пастаянным месцам яе прабывання з’яўляецца сабор Парыжскай Божай Маці.