Канікулы з Богам глыбоцкай моладзі ў Пятроўшчыне | | Друк | |
Беларусь - Віцебская дыяцэзія |
28.06.2010 12:54 |
З 19 па 27 чэвеня 2010 г. моладзь парафіі Найсвяцейшай Тройцы (Глыбокае, Віцебская дыяцэзія) супольна перажывала частку сваіх канікулаў з Богам у летнім лагеры «Надзея» ў Пятроўшчыне, што каля Глыбокага. Хлопцы і дзяўчаты разважалі над асновамі веры, грэшнасцю чалавека і Божым дарам Збаўлення. Штодзённая святая Імша, малітва падзякі і перапрашэння ўмацоўвала ў маладых людзях імкненне да святасці. Моладзь супольна перажывала хвіліны радасці ў конкурсах, забавах і танцах, аднаўляла не толькі духоўныя, але і фізічныя сілы: адбыўся футбольны матч з камандай мясцовай моладзі. Моладзь наведала таксама касцёлы Гродзенскай дыяцэзіі і прыняла ўдзел ва ўрачыстасці Нараджэння св. Яна Хрысціцеля ў Мосары. С. Марына Брылёнак
|