Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У Віцебску сустрэлі ўрачыстасць святога Юзафа сем’ямі
Беларусь - Віцебская дыяцэзія
20.03.2012 15:55

Урачыстасць св. Юзафа ў віцебскай парафіі Езуса Міласэрнага ў гэтым годзе вернікі святкавалі супольна парафіяльнымі сем’ямі. Нават нягледзячы на стомленасць пасля працоўнага дня, на вячэрнюю св. Імшу прыйшлі 22 сям’і.

Ксёндз Аляксей Асон у гаміліі падкрэсліў, што шчаслівая сям’я — гэта веруючая сям’я. Толькі супольна, захоўваючы вернасць адно аднаму і праз узрастанне ў любові, можна дасягнуць мэты, да якой паклікаў нас Бог. А Бог хоча нашага шчасця ўжо на зямлі, таму даверыў не толькі Езуса і Марыю, але і ўсе сем’і, заступніцтву св. Юзафа. Святар адзначыў, што сям’ю можна параўнаць з каналам, па якім да нас сплывае Божая ласка. Чым мацнейшай будзе сям’я, тым глыбей чалавек спазнае праўду пра Любоў.

На заканчэнне гаміліі ўсе прысутныя сем’і атрымалі спецыяльнае благаслаўленне. Мужчынам былі раздадзены памятныя абразкі з выявай св. Юзафа, наследаваць якога кожны з іх пакліканы. Пасля літургіі ў моладзевым цэнтры адбыўся пачастунак для бацькоў. Супольны стол Эўхарыстыі, нябеснага хлеба, працягваецца таксама насычэннем зямным хлебам. Сем’і будуюць сваю любоў не паасобку, а ў супольнасці Касцёла. Таму вельмі важным з’яўляецца сяброўства хрысціянскіх сем’яў між сабой і ўзаемная падтрымка. На сустрэчы было бачна, што знайшліся супольныя тэмы для размоў. Дай Божа, каб усе парафіяльныя сем’і разам імкнуліся да збаўлення.

Дк. Валерый Марціноўскі

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў