Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Дух Божы адкрывае новы свет: сакрамэнт канфірмацыі ў Браславе
Беларусь - Віцебская дыяцэзія
17.08.2012 12:59

Сёлетнія ўрачыстасціі ў браслаўскім санктуарыі Маці Божай Валадаркі Азёраў распачаліся 17 жніўня святой Імшой у 18 гадзін. Літургію, падчас якой групе вернікаў быў удзелены сакрамэнт канфірмацыі, узначаліў арцыбіскуп Рыжскі Збігнеў Станкевіч. У Імшы ўдзельнічалі біскуп Кірыл Клімовіч з Іркуцка (Расія) і шматлікае духавенства.

У гаміліі арцыбіскуп Станкевіч разважаў пра дар Духа Святога, які ў гэты дзень атрымлівалі вернікі. «Ніхто не можа без дапамогі Духа Святога сказаць: Езус — Пан», — адзначыў арцыбіскуп. Менавіта Дух Божы, падкрэсліў іерарх, адкрывае нам вочы на тое, хто такі Езус. Без Духа, працягваў арцыбіскуп, мы з'яўляемся цялеснымі, і «толькі Дух адкрывае нас на іншую логіку — логіку Валадарства Нябеснага, пра якое казаў Езус». «Такім чынам, Дух Божы адкрывае нам новы свет, новыя далягляды, і яны вельмі цікавыя», — адзначыў арцыбіскуп. 

Галоўная задача хрысціяніна, па словах іерарха, — увасабляць запаветы Хрыста. Але «пакуль мы імкнёмся захаваць іх без Духа Святога, у нас гэта не атрымліваецца». Таму вельмі важным з'яўляецца сакрамэнт канфірмацыі, бо праз яго Дух Святы «дапамагае нам зразумець, што галоўнае ў жыцці». 

«Наша задача — увайсці ў Божае Валадарства, а тут, на зямлі, —  абвяшчаць яго, — адзначыў арцыбіскуп Станкевіч. — Для гэтага самому трэба жыць згодна з Евангеллем». Сёння, падкрэсліў іерарх, вельмі важна «перакласці» Евангелле на мову кожнай катэгорыі сучасных людзей, «для кожнага чалавека, каб той адкрыў у ім штосьці самае цудоўнае ў свеце». Вось што, па словах арцыбіскупа, азначае атрымаць Духа Святога. 

Такім чынам, сакрамэнт канфірмацыі, дадаў іерарх, дапамагае нам стаць сведкамі Божага Валадарства ў сучасным свеце. «Я заклікаю вас адкрыцца на дзейнасць Духа Святога, і гэта зробіць вас шчаслівымі — настолькі, наколькі гэта магчыма на зямлі», — заахвоціў вернікаў арцыбіскуп Станкевіч.

Затым вернікі атрымалі сакрамэнт канфірмацыі. Пасля яны прынеслі да алтара дары, што сімвалізуюць сем дароў Духа Святога.

Анастасія Грышан

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў