Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У Мёрах прайшоў фестываль калядак
Беларусь - Віцебская дыяцэзія
04.01.2013 11:44

Свята Божага Нараджэння — гэта час, калі мы дорым адно аднаму радасць, любоў і ўсмешку. Менавіта такая атмасфера панавала ў Мёрах падчас XII Фестывалю каляднай песні «Зорка Бэтлеема».

Арганізатарам штогадовага конкурсу, які сёлета адбыўся 3 студзеня, з’яўляецца пробашч парафіі ў Мёрах кс. Кшыштаф Мянкіна. Як заўсёды ад самай раніцы пачалі прыбываць маладыя таленты з кожнага куточка Віцебскай дыяцэзіі, каб праславіць сваім спевам маленькага Хрыста і падзяліцца з прысутнымі гледачамі той каляднай радасцю, якая жыве ў сэрцы кожнага ўдзельніка.

Як паведамляе catholicnews.by, сёлета ў фестывалі прынялі ўдзел маладыя вернікі з Дзеркаўшчыны, Удзела, Мосара, Паставаў, Варапаева, Браслава, Шаркаўшчыны і з Мёраў.

Асаблівым госцем «Зоркі Бэтлеема» стаў біскуп Віцебскі Уладзіслаў Блін. Кіруючы словы прывітання да ўдзельнікаў, іерарх сказаў: «Я з вялікай радасцю штогод чакаю гэты фестываль і вельмі ўдзячны ўсім удзельнікам і тым, хто прыехаў у Мёры!» Сярод прысутных гасцей быў таксама і кс. Аляксандр Рагіня, сакратар Апостальскай нунцыятуры ў Казахстане.

Фестываль прыносіць шмат радасці як удзельнікам, так і слухачам гэтых цудоўных спеваў і танцаў. Як адзначылі вядучыя, за дванаццаць гадоў існавання фестывалю тут прагучала больш за 200 песень, большасць з якіх — аўтарскія.

Пасля абеду гледачоў і ўдзельнікаў парадаваў канцэрт беларускага спевака Алеся Камоцкага.

І вядома, самай эмацыйнай часткай праграмы стала ўручэнне дыпломаў і аб’яўлення вынікаў. Журы ацэньвала ўдзельнікаў у некалькіх намінацыях: гурты, дуэты, сола, інструментальнае выкананне.

Пераможцы і ўсе ўдзельнікі атрымалі падарункі. На заканчэнне кс. Кшыштаф Мянкіна скіраваў словы ўдзячнасці ўсім удзельнікам за тое, што стварылі такую святочную атмасферу.

А пакуль Віцебская дыяцэзія працягвае адзначаць Калядны перыяд. 5 студзеня ў Віцебску збяруцца маладыя таленты, каб прадставіць на суд журы свае акцёрскія здольнасці. Гэта будзе ўжо конкурс батлеек.

(SZh)

 

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў