Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Як сведчыць пра Бога? Разважала моладзь у Оршы
Беларусь - Віцебская дыяцэзія
10.04.2013 16:20

«І будзеце маімі сведкамі…»

Тэма сведчання пра Бога, здаецца, даволі знаёмая і відавочная для кожнага хрысціяніна. Аднак, пабываўшы на «Вінаградніку», я ўпэўнілася, што гэта не так.

Падчас дзвюх канферэнцый, якія правёў кс. Аляксандр Жарнасек МІС, удзельнікі «Вінаградніку» паглыбілі свае веды пра асаблівасці хрысціянскага сведчання. Аказваецца, сведчыць — значыць  даказваць сапраўднасць факту, які некалі адбыўся. Па-сутнасці, уся Біблія з’яўляецца  сведчаннем пра Бога.

У той жа час, кожны з нас з’яўляецца сведкам Бога. Кожнаму з нас Бог дае заданне сведчыць. І калі мы вырашаем пайсці Яму насустрач, Дух Святы сведчыць разам з намі.

Аднак важна расказваць толькі аб тым, што бачыш, што перажыў. Мы не можам даць іншым таго, чаго самі не маем, і сведчыць сухую тэалагічную тэорыю Гэтым мы адразу адштурхнём чалавека ад Бога. Вера ж нараджаецца тады, калі ты расказваеш, як Бог увайшоў у тваё жыццё. Менавіта ўласны прыклад найбольш можа паўплываць на сэрца і свядомасць іншага чалавека.  

Чаму так шмат хрысціянаў не сведчаць пра Бога, хоць Бог робіць у іх жыцці сапраўдныя цуды? Канечне ж, гэта страх. Як прымуць цябе іншыя, ці не асудзяць, ці не будуць смяяцца? Кожны падсвядома чакае добрай рэакцыі з боку іншых. Аднак гэтая рэакцыя можа быць пасля, бо некаторым з нас Бог даў пакліканне сеяць, і неабавязкова, што мы адразу ўбачым плёны сваёй працы.

Каб сведчыць, часта патрэбна сябе «ламаць», перамагаць свой страх і сумненне і выходзіць да людзей. Магчыма, спачатку ты будзеш гаварыць агульнымі выразамі, не зусім упэўнена і натхнёна. Гэта натуральна, бо ў душы ідзе барацьба паміж дабром і злом, але з цягам часу ты гаворыш больш проста і канкрэтна. Сам Дух Святы будзе дапамагаць. Бог пакажа, у які момант, што і каму патрэбна сказаць.

Напрыканцы сустрэчы адбылася малітва заступніцтва. Кожны жадаючы мог падысці да алтара, і святар, усклаўшы рукі, маліўся за гэтага чалавека ў яго асабістай інтэнцыі.   

Веды і благаслаўленні, атрыманыя на «Вінаградніку», будзем спадзявацца, прынясуць свой плён, і нашае хрысціянскае жыццё будзе не проста сухой тэорыяй, але і практычным сведчаннем іншым людзям аб неверагоднай ласцы Божай.  

Марына Валасар

 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў