Калядная сустрэча, арганізаваная віцебскай суполкай «Бэтэль-Карытас» для маладых людзей з абмежаванымі магчымасцямі, прайшла ў памяшканні парафіяльнага кафэ пры катэдральным касцёле Езуса Міласэрнага ў Віцебску.
Арганізаваныя конкурсы і забавы дапамагалі прысутным радасна правесці час. На свяце прысутнічалі таксама і некаторыя мамы, для якіх калядная сустрэча стала нагодай сустрэцца, паразмаўляць і падзяліцца сваімі клопатамі.
Суполка «Бэтэль-Карытас» пачала сваю працу ў 2003 годзе, зрабіўшы першы крок у накірунку сацыяльнай адаптацыі і інтэграцыі ў грамадства маладых людзей з абмежаванымі магчымасцямі. У 2006 годзе быў адкрыты Цэнтр дзённага прабывання для моладзі з абмежаваннямі.
У цяперашні час Цэнтр дзённага прабывання «Betel» наведваюць больш за 40 чалавек. У Цэнтры працуе майстэрня па вырабе сувенірнай прадукцыі — вырабы з бісеру, саломкі, гіпсу і г.д.