Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
Беларусь - Віцебская дыяцэзія
26.06.2017 14:17

Да 500-годдзя беларускай Бібліі была прымеркавана выстаўка «Горад Францішка Скарыны вачыма мастакоў» у галерэі касцёла Святога Духа ў Віцебску, адкрыццё якой адбылося 23 чэрвеня ў межах правядзення міжнароднай навукова-практычнай канферэнцыяі «Францішак Скарына і яго духоўная спадчына ўчора і сёння».

Гэтая выстаўка — плён працы мастакоў па матывах двух пленэраў імя Яна Хруцкага — «Полацк Францішка Скарыны» (2015) і «Полацк вачыма Францішка Скарыны» (2016), якія праводзіліся на базе грэка-каталіцкай парафіі Пакутніка Язафата ў Полацку. Арганізоўваў пленэры айцец Аляксандр Шаўцоў, пробашч гэтай парафіі.  

На выстаўцы прадстаўлены карціны мастакоў Віктара Жукава, Івана Іванова, Вячаслава Літвіна, Андрэя Міхайлава, Зміцера Мшара, Сяргея Чарціліна, Андрэя Піскуна, Аляксея Яўсеева.

На адкрыцці выстаўкі прысутнічалі не толькі госці і ўдзельнікі канферэнцыі, але і некалькі мастакоў — аўтараў карцін, прадстаўленых на экспазіцыі.



Мастакі адзначылі, што ўдзел у гэтых пленэрах для іх — вялікі досвед не толькі у мастацкім, але перадусім у духоўным плане. «Мастакі жывуць успамінамі пра гэтыя пленэры», — падкрэсліў айцец Аляксандр Шаўцоў, арганізатар пленэраў і выстаўкі. Святар прызнаўся, што сапраўдным адкрыццём для яго было тое, што ён сам стаў «актыўным саўдзельнікам падобнай ініцыятывы».

У планах святара — стварэнне на базе грэка-каталіцкай парафіі Пакутніка Язафата ў Полацку мастацкай галерэі, якую наведвалі б  не толькі вернікі, але і ўсе тыя, хто цікавіцца мастацтвам. «У гэтых працах адчуваецца дух Яна Хруцкага і Францішка Скарыны», — адзначыў айцец Аляксандр.

У галерэі касцёла Святога Духа выстаўка будзе адкрыты на працягу некалькіх месяцаў.


Кацярына Лаўрыненка, фота аўтара

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў