Ватыкан адкрыў свой аэрадром для авіятранспарту, які курсуе да папскай педыятрычнай бальніцы «Дзіцятка Езус» (Ospedale Pediatrico Bambino Gesù). Медыцынская ўстанова з’яўляецца самым вялікім і самым лепшым педыятрычным цэнтрам у Італіі.
З 1924 года бальніца належыць Апостальскай Сталіцы, а яе прадстаўніцтвы ў сваёй большасці знаходзяцца ў экстэрытарыяльных зонах. Галоўная рэзідэнцыя бальніцы дзейнічае недалёка ад Ватыкана, на схіле ўзгорка Янікул у Рыме.
Верталёты хуткай дапамогі ідуць на пасадку ў Ватыканскія сады ўжо на працягу некалькіх месяцаў. 22 верасня была падпісана афіцыйная дамова з кіраўніцтвам грамадзянскай авіяцыі ў Італіі, якая рэгулюе гэтыя выключныя рэйсы.