Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Ватыканскі дыпламат: трэба вучыцца супрацьстаяць маніпуляванню рэлігіяй
Дзяржава Ватыкан
29.03.2017 14:55

У межах барацьбы з экстрэмізмам важна пераказваць моладзі і пазітыўную інфармацыю аб сітуацыі ў свеце, а не толькі навіны з адмоўнай афарбоўкай, лічыць сакратар Апостальскай Сталіцы па адносінах з дзяржавамі.

Пра гэта арцыбіскуп Пол Рычард Галахер расказаў у інтэрв’ю іспанскаму выданню La Vanguardia.

На яго думку, як іслам, так і хрысціянства, павінны супольна супрацьстаяць спробам маніпулявання рэлігіяй, мэта якіх у радыкалізацыі вернікаў.

Гаворачы пра тэрарыстычы напад, які здарыўся 22 сакавіка ў Лондане, дыпламат заўважыў, што «людзі патрабуюць мужнасці, каб вярнуцца да нармальнага жыцця і паказаць, што тэрарызм не дзейнічае, і ў канчатковым рахунку сам знішчае сябе».



Адказваючы на пытанне пра пашырэнне папулістычных рухаў у Еўропе, іерарх адзначыў, што многія людзі насамрэч шукаюць новыя шляхі вырашэння праблем. Аднак дэмакратычныя краіны павінны імкнуцца да дасягнення «больш глыбокай формы палітыкі, з большым інтэлектуальным падмуркам». Патрыятызм не супярэчыць клопату пра супольнае дабро ўсіх народаў, дадаў іерарх.

Каментуючы жаданне Вялікабрытаніі выйсці з Еўрапейскага Саюза, арцыбіскуп Пол Рычард Галахер выказаў спадзяванне, што будзе знойдзена такое вырашэнне сітуацыі, якое задаволіць усе бакі.

Беларуская рэдакцыя Ватыканскага радыё


 

Пры выкарыстанні матэрыялаў сайта спасылка на Catholic.By абавязкова.
  • 25.07.2017
  • 24.07.2017
  • 23.07.2017
  • 22.07.2017
  • 21.07.2017