Раніцай 29 жніўня 2010 г. Святы Айцец Бэнэдыкт XVI узначаліў у Кастэль Гандольфа святую Імшу для ўдзельнікаў семінару, арганізаванага «Кругам вучняў Ратцынгера ». У літургіі прынялі ўдзел тэолагі, дактаранты прафесара Ратцынгера. З гаміліяй да ўдзельнікаў літургіі звярнуўся Мітрапаліт Вены кардынал Крыстаф Шонбарн. Трохдзённы семінар за зачыненымі дзвярыма быў прысвечаны разуменню дакументаў Другога Ватыканскага Сабору — паміж традыцыяй і інавацыяй. Плёнам сустрэчы стане публікацыя матэрыялаў, праца над якімі працягваецца два гады. Так, сёлета Пантыфік атрымаў дакументы з сустрэчы 2008 г.