Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Бэнэдыкт XVI выказвае салідарнасць з народам Гаіці ў гадавіну землятрусу
Святы Айцец
13.01.2011 14:37

У першую гадавіну трагічнага землятрусу, які адбыўся на Гаіці 12 студзеня 2010 г., Святы Айцец Бэнэдыкт XVI накіраваў жыхарам вострава спецыяльнае пасланне салідарнасці і пажадання Божага благаслаўлення. З дакументам гаіцян азнаёміў спецыяльны пасланнік Папы, старшыня Папскай рады «Cor Unum» кардынал Робер Сара 12 студзеня 2011 г.

У пасланні Пантыфік запэўнівае жыхароў Гаіці ў сваёй малітве, асабліва за тых, хто загінуў падчас землятрусу, і выказвае жаданне «перадаць словы надзеі ў сённяшніх умовах, надзвычай цяжкіх».

«Сёння настаў час аднаўлення не толькі матэрыяльных структур, але найперш суіснавання ў грамадскім і рэлігійным маштабе, — адзначаецца ў дакуменце. — Жадаю, каб гаіцянскі народ быў першым гаспадаром сваёй сённяшняй гісторыі і сваёй будучыні, разлічваючы таксама на міжнародную дапамогу, якая ўжо выявіла адзнакі велікадушнасці праз эканамічную дапамогу і дапамогу валанцёраў, якія прыбылі з усіх краін».

Святы Айцец даверыў гаіцян заступніцтву Маці Божай Нястомнай Дапамогі, апякункі вострава. «Няхай Бог благаславіць усім гаіцянам!» — такімі словамі завяршаецца пасланне.

 

Пры выкарыстанні матэрыялаў сайта спасылка на Catholic.By абавязкова.