На заслугі Філіпінскага Папскага ўніверсітэта св. Тамаша ў Маніле перад Касцёлам і народам указаў Святы Айцец Бэнэдыкт XVI у лісце да свайго пасланніка на ўрачыстасць 400-годдзя заснавання дадзенай навучальнай установы кардынала Зянона Грахалеўскага.Святы Айцец падкрэсліў, што дамініканскі ўніверсітэт на мяжы стагоддзяў далучыўся да адукацыйнага, культурнага і рэлігійнага развіцця маладых філіпінцаў. Установа, якую Пантыфік называе «асаблівым месцам сустрэчы Божага слова і культур», аказала значны ўплыў на распаўсюджванне і ўзмацненне каталіцкай веры ў Азіі.
Папскі ўніверсітэт св. Тамаша ў Маніле адносіцца да найбольш прэстыжных навучальных устаноў Філіпін. Яе ў 1970 г. наведаў Павел VІ, а ў 1981 і 1995 гг. — Ян Павел ІІ.