Служба папскіх літургічных цэлебрацый пацвердзіла, што ў Папяльцовую сераду 9 сакавіка Святы Айцец Бэнэдыкт XVI узначаліць традыцыйную працэсію. Набажэнства распачнецца малітвай у рымскім касцёле св. Ансэльма на Авенцінскім пагорку, пасля чаго працэсія накіруецца да базылікі св. Сабіны. На заканчэнне набажэнства тут адбудзецца св. Імша і абрад пасыпання галоваў попелам.