«Надалей з вялікай занепакоенасцю сачу за драматычнай сітуацыяй, якую перажываюць дарагія майму сэрцу жыхары Лівіі і Кот-д’Івуара», — адзначыў Папа.

Пантыфік запэўніў у сваёй малітве за ахвяраў ваенных дзеянняў і ў сваёй духоўнай блізкасці з церпячымі.  

Святы Айцец падкрэсліў, што жадаў бы, каб кардынал Тарксан, якому даручыў выказаць салідарнасць з мясцовым насельніцтвам, мог прыбыць у гэту краіну.

Старшыня Папскай рады «Iustitia et Pax» кардынал Пітэр Тарксан пакінуў Рым 1 красавіка і адправіўся ў Гану, якая мяжуе з Кот-д’Івуарам. Аднак быў вымушаны застацца ў Акры з-за баявых дзеянняў у Абіджане, адкуль прыпынена авіязлучэнне. Затым іерарх быў вымушаны вярнуцца ў Рым.