Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святы Айцец: мы патрабуем жывой вады Евангелля
Святы Айцец
30.05.2011 15:46

Падчас агульнай аўдыенцыі ў нядзелю 29 мая 2011 г. Святы Айцец звярнуўся да ўрыўку з Дзеяў Апосталаў, у якім распавядаецца аб тым, як Філіп абвяшчаў Добрую Навіну ў Самарыі.

«„І была вялікая радасць у гэтым горадзе“. Чытаючы гэты фрагмент, адразу пачынаеш задумвацца аб аздараўляльнай сіле Евангелля, якое на працягу стагоддзяў паіла, як жыватворная рака, шматлікія народы», — адзначыў Пантыфік.

Папа ўзгадаў постаці св. Караля Барамэя і бл. Маці Тэрэзы, якія таксама былі місіянерамі, бо сведчылі аб Хрысце сваім жыццём.  

«У той час, як моцныя гэтага свету дзеля палітычных і эканамічных выгадаў спрабавалі заваяваць новыя тэрыторыі, пасланнікі Хрыста ішлі па свеце з мэтай прынесці людзям Хрыста і людзей прывесці да Хрыста, ведаючы, што толькі Ён можа даць сапраўдную свабоду і вечнае жыццё, — цытуе словы Святога Айца Беларуская рэдакцыя Ватыканскага радыё. — Сёння таксама галоўным пакліканнем Касцёла з’яўляецца евангелізацыя: гэта праўда, што яшчэ існуюць народы, не акропленыя жывой вадой Евангелля; таксама праўда, што і тыя, хто мае старажытныя хрысціянскія карані, патрабуюць гэтай вады, каб даць новы плён і нанава адкрыць прыгажосць і радасць веры».

Вялікім місіянерам, па словах Папы, быў Ян Павел ІІ, які «ажыццявіў сапраўдную місію сярод народаў і, у той жа момант, паспрыяў новай евангелізацыі».

«Маці Хрыста, дапамагай нам заўсёды абвяшчаць Евангелле, каб памножыліся і пашырыліся ў свеце месцы ў якіх людзі змогуць знаходзіць радасць жыцця, як Божыя дзеці», — заклікаў напрыканцы катэхезы Бэнэдыкт XVI.


 

Пры выкарыстанні матэрыялаў сайта спасылка на Catholic.By абавязкова.