Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Бэнэдыкт XVI на сустрэчы з удзельнікамі Сабору і старшынямі епіскапатаў: хрысціянства заўсёды маладое
Святы Айцец
12.10.2012 14:15

Хрысціянства заўсёды маладое, бо Хрыстус ёсць учора, сёння і назаўсёды. На гэта звярнуў увагу Святы Айцец Бэнэдыкт XVI у звароце да ўдзельнікаў Другога Ватыканскага Сабору і старшыняў епіскапатаў з розных краін свету. З імі Папа сустрэўся 12 кастрычніка ў Клеменційскай зале Апостальскага палаца.

Па словах Пантыфіка, хрысціянства не павінна лічыцца «чымсьці з мінулага», ім нельга жыць заўсёды скіроўваючы позірк назад, бо «Езус Хрыстус ёсць учора, сёння і назаўсёды». «Хрысціянства заўсёды новае», і мы «не павінны яго бачыць як дрэва, якое цалкам развілася з евангельскага зерня, вырасла, прынесла плёны і аднойчы пастарэла і ідзе да захаду сваёй жыццёвай энергіі». «Хрысціянства — гэта дрэва, якое, калі так можна сказаць, знаходзіцца ў пастаянным світанку, заўсёды маладое», — сказаў Папа.

Паводле Святога Айца, Другі Ватыканскі Сабор навучыў Касцёл прамаўляць да сучаснага чалавека, а «гэта можа адбыцца толькі праз сілу таго, хто мае глыбокія карані ў Богу, дазваляе Яму весці сябе і жыве ўласнай верай», але не таго, хто «прыстасоўваецца да моманту, які мінае, і хто выбірае самы зручны шлях».

«Святасць паказвае сапраўднае аблічча Касцёла, дазваляе ўвайсці „сёння“ вечнага Бога ў „сёння” нашага жыцця, „сёння” чалавека нашай эпохі», — сказаў Бэнэдыкт XVI. Як інфармуе Ватыканскае радыё, Папа адзначыў таксама, што «памяць аб мінулым каштоўная, але ніколі не з’яўляецца мэтай сама па сабе».

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме