Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святы Айцец накіраваў спачуванні ў сувязі са стральбой у амерыканскай школе
Святы Айцец
15.12.2012 13:04

Святы Айцец Бэнэдыкт XVI выказаў свае спачуванні ў сувязі з крывавым інцыдэнтам у школе горада Ньютаўн у амерыканскім штаце Канэкцікут, дзе было забіта 26 чалавек, з якіх 20 — дзеці. У спачувальнай тэлеграме Пантыфік перадае шчыры смутак і малітоўную блізкасць ахвярам, іх сем’ям і ўсім пацярпелым.

Як адзначаецца ў тэлеграме, якую цытуе Ватыканскае радыё, пасля «гэтай бессэнсоўнай трагедыі» Папа просіць Бога суцешыць тых, хто плача, і заклікае «перамагаць насілле сілай прабачэння, надзеі і прымірэння».

14 снежня раніцай у пачатковай школе горада Ньютаўн была адкрыта стральба. Сярод забітых аказаліся дырэктар школы, настаўнікі і дзеці. Крывавую бойню ўчыніў 20-гадовы Адам Лэнза. Да таго, як прыехаць у школу, ён забіў дома сваю маці, якая працавала ў гэтай школе настаўніцай.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме