Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святы Айцец у Папяльцовую сераду: узнагарода справядлівага — сам Бог
Святы Айцец
14.02.2013 10:52

«Навяртанне магчымае як ласка, калі з’яўляецца дзеяннем Бога, плёнам веры ў Яго міласэрнасць. Яно становіцца канкрэтнай рэчаіснасцю нашага жыцця толькі тады, калі ласка Бога пранікае нас», — падкрэсліў Святы Айцец Бэнэдыкт XVI падчас святой Імшы ў Папяльцовую сераду 13 лютага. На літургію прыбыла мноства вернікаў, каб развітацца з Пантыфікам.

Па словах Папы, якія прыводзіць польская рэдакцыя Ватыканскага радыё, «перажыванне Вялікага посту ў больш глыбокай і бачнай касцёльнай камуніі з’яўляецца пакорным і каштоўным знакам для тых, хто далёкі ад веры».

Вялікі пост — гэта, як дадаў Пантыфік, своеасаблівае «сёння»: час збаўлення, магчымасць аднавіць у сабе ўсведамленне, што мы былі адкуплены з граху праз Крыж і Муку нявіннага Езуса. Гэтаму дапамагаюць тры аскетычныя практыкі: пост, малітва і міласціна, якія неабходна здзяйсняць ад шчырага сэрца, разумеючы, што яны павінны выражаць аўтэнтычную сувязь з Богам.

 «Сапраўдны вучань не служыць самому сабе або публіцы, але свайму Пану ў прастаце і велікадушнасці, — адзначыў Святы Айцец. — Наша сведчанне будзе мець тым большы ўплыў, чым менш мы ў ім будзем шукаць нашай хвалы, а будзем усведамляць, што ўзнагарода справядлівага — сам Бог, быццё з Ім у еднасці, тут, на шляху веры, а напрыканцы жыцця — у супакоі і святле спаткання твар у твар з Ім на векі».

(AG)

 

Пры выкарыстанні матэрыялаў сайта спасылка на Catholic.By абавязкова.