Кардынал Хорхе Марыа Берголіа — папа Францішак — вядомы як рашучы праціўнік легалізацыі гомасексуальных саюзаў і абаронца сям’і. Аргенціна — першая краіна Лацінскай Амерыкі, дзе 22 ліпеня 2010 г. аднаполым парам было дадзена права ўступаць у шлюб і ўсынаўляць дзяцей.

Яшчэ перад прыняццем гэтага закона аргенцінскім парламентам кардынал Берголіа пісаў у спецыяльным лісце пра небяспечнасць такога кроку. «Гаворка тут ідзе не пра звычайны закон, а хутчэй пра інтрыгі айца хлусні, які шукае спосабы, каб ашукаць Божых дзяцей», — падкрэсліваў іерарх і дадаваў, што адсутнасць рэакцый на такі закон з боку грамадзян стане згодай на знішчэнне сям’і.

У 2009 г., пратэстуючы супраць рашэння суду, які дазволіў правядзенне «шлюбнай цырымоніі» паміж прадстаўнікамі аднаго полу, тагачасны арцыбіскуп Буэнас-Айрэса звяртаў увагу, што крызіс каштоўнасцяў у сённяшнім грамадстве прывёў да забыцця самога сэнсу паняцця сужэнства.

(AG)