Ужо больш за 4 мільёны чалавек чытаюць папскі профіль у «Твітэры». З 17 сакавіка, калі там з’явіўся першы запіс папы Францішка, гэтая колькасць узрасла больш чым на 720 тысяч чалавек.

Папскі профіль у «Твітэры» @Pontifex быў заснаваны 12 снежня 2012 г., у час Пантыфікату Бэнэдыкта XVI, і за кароткі час сабраў 3 мільёны чытачоў. На перыяд sede vacante яго дзейнасць была прыпынена.

Учора, 19 сакавіка, на папскім профілі ў «Твітэры» з’явіліся фрагменты з гаміліі папы Францішка, прамоўленай падчас інаўгурацыйнай святой Імшы: «Будзем бараніць Хрыста ў нашым жыцці, клапаціцца адзін пра аднаго, з любоўю аберагаць стварэннe», «Сапраўдная ўлада — гэта служэнне. Папа павінен служыць усім, асабліва найбяднейшым, найслабейшым і найменшым».

(AG)