1 красавіка ў другой палове дня папа Францішак у прыватным парадку наведае некропаль, які знаходзіцца пад ватыканскай базылікай. Як паведамляе Прэс-служба Апостальскай Сталіцы, Пантыфік памоліцца ля магілы св. Пятра.

Па інфармацыі Ватыканскага радыё, Святога Айца будзе суправаджаць кардынал Анджэла Камастры, архіпрэзбітэр базылікі св. Пятра.

Сучасны сабор стаіць на месцы старой базылікі, пабудаванай у IV ст. імператарам Канстанцінам Вялікім. У 1930-я гады археолагі раскапалі пад старой базылікай яшчэ адзін узровень і выявілі пахаванні I–IV стагоддзяў, размешчаныя вакол адной вялікай грабніцы, на якой знайшлі надпіс «Пётр тут», з чаго была зроблена выснова, што менавіта ў ёй пахаваны Першы з Апосталаў.

(AG)